9. пан̣ӣтабходжанасиккха̄падам̣

257. наваме пакат̣т̣хабха̄вам̣ нӣтанти пан̣ӣтанти вутте пан̣ӣтасаддо уттаматтхоти а̄ха ‘‘уттамабходжана̄нӣ’’ти. сампанно на̄ма на мадхурагун̣о, атха кхо мадхурагун̣айуттам̣ бходжанамева̄ти а̄ха ‘‘сампаттийутта’’нти. касса̄ти каран̣аттхе четам̣ са̄мивачанам̣, кена̄ти хи аттхо. ‘‘сураса’’нтиимина̄ са̄дӣйати асса̄дӣйатӣти са̄дӯти вачанаттхасса сарӯпам̣ дассети.

259. ‘‘йо пана…пе… бхун̃джеййа̄’’ти еттха виниччхайо евам̣ ведитабботи йоджана̄. суддха̄нӣти оданена асам̣сат̣т̣ха̄ни. оданасам̣сат̣т̣ха̄ни саббиа̄дӣнӣти самбандхо. еттха̄ти имасмим̣ сиккха̄паде. хӣти саччам̣. ‘‘пан̣ӣтасам̣сат̣т̣ха̄нӣ’’тиимина̄ пан̣ӣтехи саббиа̄дӣхи сам̣сат̣т̣ха̄ни бходжана̄ни пан̣ӣтабходжана̄нӣти аттхам̣ дассети. ‘‘саттадхан̃н̃аниббатта̄нӣ’’ти имина̄ бходжана̄нам̣ сарӯпам̣ дассети.

‘‘саббина̄ бхатта’’нтиа̄дӣнам̣ пан̃чаннам̣ викаппа̄нам̣ маджджхе тӣсупи викаппесу ‘‘бхатта’’нти йоджетаббам̣. евам̣ ва̄кйам̣ катва̄ вин̃н̃а̄пане а̄паттим̣ дассетва̄ сама̄сам̣ катва̄ вин̃н̃а̄пане там̣ дассенто а̄ха ‘‘саббибхаттам̣ дехӣ’’тиа̄ди.

итоти га̄вито ладдхена̄ти самбандхо. висан̇кетанти сан̇кетато н̃а̄питато вигатам̣ вирахитанти аттхо. хӣти саччам̣. имина̄ висан̇кетасса гун̣адосам̣ дассети.

каппийасаббина̄ дехӣти каппийасаббина̄ сам̣сат̣т̣хам̣ бхаттам̣ дехӣти йоджана̄. есева найо сесесупи. йена йена̄ти йена йена саббиа̄дина̄. тасмим̣ тасса̄ти еттха̄пи виччха̄васена аттхо дат̣т̣хаббо. па̄л̣ийам̣ а̄гатасабби на̄ма госабби, аджика̄сабби, махим̣сасабби, йесам̣ мам̣сам̣ каппати, тесам̣ сабби ча. наванӣтам̣ на̄ма евамева. телам̣ на̄ма тилателам̣, са̄сапателам̣, мадхукателам̣, еран̣д̣ателам̣, васа̄телан̃ча. мадху на̄ма маккхика̄мадху. пха̄н̣итам̣ на̄ма уччхумха̄ ниббаттам̣. маччхо на̄ма удакачаро. па̄л̣иана̄гато маччхо на̄ма наттхи. мам̣сам̣ на̄ма йесам̣ мам̣сам̣ каппати, тесам̣ мам̣сам̣. кхӣрададхӣни саббисадиса̄нева. вуттам̣ йатха̄ евам̣ ‘‘наванӣтабхаттам̣ дехӣ’’тиа̄дӣсупи сӯподанавин̃н̃аттидуккат̣амева хотӣти йоджана̄. хӣти саччам̣. со ча̄ти со чаттхо. таттха̄ти тасмим̣ аттхе. ким̣ пайоджанам̣. наттхева пайоджананти адхиппа̄йо.

пат̣иладдхам̣ бходжананти самбандхо. екарасанти екакиччам̣. татоти навапан̣ӣтабходжанато нӣхаритва̄ти самбандхо.

сабба̄нӣти нава па̄читтийа̄ни сандха̄йа вуттам̣.

261. убхайесампӣти бхиккхубхиккхунӣнампи. саббӣти четтха йо нам̣ парибхун̃джати, тасса бала̄йувад̣д̣ханаттхам̣ саббати гаччхати паваттатӣти сабби, гхатам̣. татийаккхаренева саджджха̄йитаббам̣ ликхитаббан̃ча. касма̄? татийаккхарат̣т̣ха̄нейева сабба гатийанти гатиаттхасса саббадха̄тусса дха̄тупа̄т̣хесу а̄гататта̄ти. навамам̣.