1. а̄васатхапин̣д̣асиккха̄пада-аттхайоджана̄

203. бходжанаваггасса пат̣хаме а̄васатхе пан̃н̃атто пин̣д̣о а̄васатхапин̣д̣оти дассенто а̄ха ‘‘саманта̄’’тиа̄ди. париккхиттанти паривутам̣ а̄васатханти самбандхо. аддхам̣ патхам̣ гаччхантӣти аддхика̄. гила̄йанти руджантӣти гила̄на̄. габбхо куччхит̣т̣хасатто ета̄санти габбхинийо. малам̣ пабба̄джентӣти паббаджита̄, тесам̣ йатха̄нурӯпанти самбандхо. пан̃н̃атта̄ни ман̃чапӣт̣ха̄ни еттха̄ти пан̃н̃аттаман̃чапӣт̣хо, там̣. анекагаббхапариччхедам̣ анекапамукхапариччхедам̣ а̄васатхам̣ катва̄ти йоджана̄. таттха̄ти а̄васатхе. тесам̣ тесанти аддхика̄дӣнам̣. хиййосаддасса атӣта̄нантара̄хасса ча ана̄гата̄нантара̄хасса ча ва̄чакатта̄ идха ана̄гата̄нантара̄хава̄чакоти а̄ха ‘‘свепӣ’’ти. кухим̣ гата̄ ити вуттети йоджана̄. ‘‘куккучча̄йанто’’типадасса на̄мадха̄тум̣ дассенто а̄ха ‘‘куккуччам̣ каронто’’ти.

206. ‘‘аддхайоджанам̣ ва̄ йоджанам̣ ва̄’’тиимина̄ ‘‘паккамиту’’нтипадасса каммам̣ дассети. ‘‘ганту’’нтиимина̄ камусаддасса падавиккхепаттхам̣ дассети. ‘‘анодисса̄’’типадасса тва̄паччайантабха̄вам̣ дассетум̣ ‘‘ануддиситва̄’’ти вуттам̣. па̄сам̣ д̣етӣти па̄сан̣д̣о, сатта̄нам̣ читтесу дит̣т̣хипа̄сам̣ кхипатӣти аттхо. атха ва̄ тан̣ха̄па̄сам̣, дит̣т̣хипа̄сан̃ча д̣ети уд̣д̣етӣти па̄сан̣д̣о, там̣ па̄сан̣д̣ам̣. йа̄вататтхо пан̃н̃атто хотӣти йа̄вата̄ аттхо хоти, та̄вата̄ пан̃н̃атто хотӣти йоджана̄. ‘‘йа̄вадаттхо’’типи па̄т̣хо, айамеваттхо. дака̄ро падасандхикаро. саким̣ бхун̃джитаббанти екадивасам̣ саким̣ бхун̃джитаббанти аттхо. тена̄ха ‘‘екадивасам̣ бхун̃джитабба’’нти.

еттха̄ти имасмим̣ сиккха̄паде. екакулена ва̄ пан̃н̃аттанти самбандхо. бхун̃джитум̣ на ват̣т̣ати екато хутва̄ пан̃н̃аттатта̄ти адхиппа̄йо. на̄на̄кулехи пан̃н̃аттам̣ пин̣д̣анти йоджана̄. бхун̃джитум̣ ват̣т̣ати на̄на̄кула̄ни екато ахутва̄ висум̣ висум̣ пан̃н̃аттатта̄ти адхиппа̄йо. йопи пин̣д̣о чхиджджатӣти самбандхо. упаччхиндитва̄ти асаддхийа̄дипа̄пачиттатта̄ упаччхиндитва̄.

208. ануваситва̄ти пунаппунам̣ васитва̄. антара̄магге гаччхантатта̄ ‘‘гаччханто бхун̃джатӣ’’ти идам̣ та̄ва йуттам̣ хоту, гатат̣т̣ха̄не пана гамитатта̄ катхам̣? паччуппаннасамӣпопи атӣто тена сан̇гахитатта̄ йуттам̣. ‘‘куто ну твам̣ бхиккху а̄гаччхасӣ’’тиа̄дӣсу (сам̣. ни. 1.130) вийа. там̣самӣпопи хи та̄дисо. на̄на̄т̣т̣ха̄несу на̄на̄кула̄нам̣ сантаке пакатийа̄ ана̄паттибха̄вато на̄на̄т̣т̣ха̄несу екакулассева сантакам̣ сандха̄йа вуттам̣ ‘‘ана̄паттӣ’’ти. а̄раддхасса виччхедатта̄ ‘‘пуна екадивасам̣ бхун̃джитум̣ лабхатӣ’’ти вуттам̣. ‘‘одисса̄’’ти са̄ман̃н̃ато вуттепи бхиккхӯйева гахетабба̄ти а̄ха ‘‘бхиккхӯнам̣йева̄’’ти. пат̣хамам̣.