3. уджджха̄панакасиккха̄падам̣

103. татийе бхиккхӯ уджджха̄пентӣти еттха ‘‘бхиккхӯ’’ти ка̄ритакамматта̄ каран̣аттхе упайогавачананти а̄ха ‘‘техи бхиккхӯхӣ’’ти. ока̄равипарӣто ука̄роти ча джхесаддо н̃а̄н̣аттхоти ча дассенто а̄ха ‘‘аваджа̄на̄пентӣ’’ти. ‘‘там̣ а̄йасманта’’нти падам̣ ‘‘аваджа̄на̄пентӣ’’ти паде дха̄тукаммам̣. анекаттхатта̄ дха̄тӯнам̣ джхесаддо олоканаттхо ча чинтанаттхо ча хоти, тена̄ха ‘‘олока̄пентӣ’’тиа̄ди. еттха̄ти ‘‘бхиккхӯ уджджха̄пентӣ’’ти паде. чханда̄йа̄ти чхандаттхам̣. йесам̣ сена̄сана̄ни ча пан̃н̃апети, бхатта̄ни ча уддисати, тесам̣ аттани пематтханти аттхо. ат̣т̣хакатха̄йам̣ пана ‘‘чханда̄йа̄ти чхандена̄’’ти вуттам̣. имина̄ лин̇гавипалла̄санайо вутто. паресам̣ аттано пемена̄ти аттхо. паккхапа̄тена̄ти аттано паккхе па̄та̄панена.

105. уджджха̄пенти анена̄ти уджджха̄панакам̣. кхиййанти анена̄ти кхиййанаканти дассенто а̄ха ‘‘йена вачанена̄’’тиа̄ди.

106. упасампаннам̣ сан̇гхена самматам̣ ман̇кукаттука̄моти самбандхам̣ дассенто а̄ха ‘‘упасампаннам̣ сан̇гхена саммата’’нтиа̄ди. самбаджджханам̣ самбандхо, ка̄табботи йоджана̄. упасампаннасса сан̇гхена самматасса аван̣н̣ам̣ каттука̄мо айасам̣ каттука̄моти вибхаттивипарин̣а̄мена самбандхам̣ дассенто а̄ха ‘‘вибхаттивипарин̣а̄мо ка̄таббо’’ти. ‘‘васена̄’’ти падам̣ вибхаттивипарин̣а̄мо ка̄таббо’’ти паде висесанам̣. йасма̄ висесо наттхи, тасма̄ катанти йоджана̄. танти ‘‘кхиййанака’’нти падам̣. со ча бхиккхӯти уджджха̄панако ча кхиййанако ча со ча бхиккху. атха̄ти тасма̄ уджджха̄панакакхиййанакакаратта̄. асса̄ти бхиккхуно. асса̄ти бхавеййа.

‘‘упасампанна’’нти падам̣ ‘‘уджджха̄петӣ’’ти паде дха̄тукаммам̣ ‘‘анупасампанна’’нти падам̣ ка̄ритакаммам̣, ‘‘анупасампанна’’нти падам̣ ‘‘уджджха̄петӣ’’ти ка̄ритакирийам̣ апеккхитва̄ каммам̣ хоти. ‘‘кхиййатӣ’’ти суддхакирийа̄йа апеккха̄йа вибхаттивипалла̄со хотӣти а̄ха ‘‘тасса ва̄’’тиа̄ди. тасса̄ти анупасампаннасса сантикети самбандхо. танти сан̇гхена самматам̣ упасампаннам̣. ‘‘сан̇гхена асаммата’’нти еттха на апалоканакаммена асамматам̣, каммава̄ча̄йа пана асамматанти а̄ха ‘‘каммава̄ча̄йа̄’’тиа̄ди. две тайо хутва̄ каммава̄ча̄йа самманитумасаккун̣еййатта̄ асамматанти ча дассенто а̄ха ‘‘йатра̄’’тиа̄ди. йатра̄ти йасмим̣ виха̄ре. ‘‘анупасампаннам̣ сан̇гхена саммата’’нти еттха анупасампаннасса саммутийо да̄тумасаккун̣еййатта̄ пуббавоха̄равасена самматанти вуттанти дассенто а̄ха ‘‘кин̃ча̄пӣ’’тиа̄ди. танти анупасампаннабха̄ве т̣хитам̣. бйаттасса̄ти вийаттасса. сан̇гхена ва̄ катоти йоджана̄ти. татийам̣.