2. ан̃н̃ава̄дакасиккха̄падам̣

94. дутийе ана̄ча̄ранти ачаритаббам̣ ка̄йавачӣдва̄равӣтиккамам̣. саббана̄масса анийаматтхатта̄ идха вачананти а̄ха ‘‘ан̃н̃ена вачанена ан̃н̃ам̣ вачана’’нти. соти бхиккху, вадатӣти самбандхо. коти ко пуггало. кинти ким̣ а̄паттим̣. кисминти кисмим̣ ваттхусмим̣. кинти ким̣ каммам̣. канти кам̣ пуггалам̣. кинти ким̣ вачанам̣.

еттха̄ти ‘‘ко а̄панно’’тиа̄дипа̄л̣ийам̣. ‘‘бхиккхӯхӣ’’ти падам̣ ‘‘вутто’’ти паде катта̄. аса̄руппанти бхиккхӯнам̣ аса̄руппам̣. есоти есо аттхо, вибхавоти аттхо. етанти ваттху. бхан̣анто ва̄ хутва̄ ан̃н̃енан̃н̃ам̣ пат̣ичаратӣти самбандхо. еттха̄ти пат̣иччханна̄сане. сотанти сотадва̄рам̣. чаккхунти чаккхудва̄рам̣.

98. ан̃н̃анти пуччхитаттхато ан̃н̃ам̣ апуччхитаматтхам̣. бха̄ваппадха̄нойам̣ каттуниддесоти а̄ха ‘‘ан̃н̃енан̃н̃ам̣ пат̣ичаран̣ассетам̣ на̄ма’’нти. тун̣хӣбха̄васса̄ти абха̄санасса. а̄тйӯпасагго луттаниддит̣т̣хоти а̄ха ‘‘а̄ропетӯ’’ти. евам̣ ‘‘аропите’’ти еттхапи. тена̄ха ‘‘ана̄ропите’’ти.

101. танти ан̃н̃ава̄дакавихесакаропанакаммам̣. асса̄ти бхавеййа, хоти ва̄.

102. кинти ким̣ вачанам̣. йена̄ти йена бйа̄дхина̄ катхетум̣ на саккоти, та̄дисо бйа̄дхи мукхе хотӣти йоджана̄. таппаччайа̄ти тато катхитака̄ран̣а̄ти. дутийам̣.