3. песун̃н̃асиккха̄падам̣

36. татийе ‘‘джа̄табхан̣д̣ана̄на’’нти ваттаббе агйа̄хитотиа̄дӣсу вийа висесанапаранипа̄тавасена ‘‘бхан̣д̣анаджа̄та̄на’’нти вуттанти а̄ха ‘‘сан̃джа̄табхан̣д̣ана̄на’’нти. ‘‘пуббабха̄го’’ти ватва̄ тасса сарӯпам̣ дассети ‘‘имина̄ ча имина̄ ча̄’’тиа̄дина̄. вируддхам̣ вадати етена̄ти вива̄до, вигга̄хикакатха̄, там̣ а̄панна̄ти вива̄да̄панна̄, тесам̣. писати сан̃чун̣н̣етӣти писун̣о, пуггало, тасса иданти песун̃н̃ам̣, вачананти аттхам̣ дассенто а̄ха ‘‘песун̃н̃анти писун̣ава̄ча’’нти.

37. бхиккхупесун̃н̃ети бхиккхӯнам̣ сантикам̣ упасам̣хат̣е песун̃н̃авачанети чхат̣т̣хӣсама̄со.

38. ‘‘дисва̄’’ти падам̣ ‘‘бхан̣антасса̄’’ти паде пуббака̄лакирийа̄, дассанам̣ хутва̄ти аттхо. татийам̣.