4-5. диса̄лочана-ан̇кусанайадвайаван̣н̣ана̄

имесам̣ пана тин̣н̣ам̣ аттханайа̄нам̣ сиддхийа̄ воха̄рена найадвайам̣ сиддхамева хоти. татха̄ хи аттханайа̄нам̣ диса̄бхӯтадхамма̄нам̣ сама̄лочанам̣ диса̄лочанам̣, тесам̣ сама̄найанам̣ ан̇кусоти пан̃чапи найа̄ нийутта̄ти ведитабба̄.

пан̃чавидханайаван̣н̣ана̄ нит̣т̣хита̄.

са̄санапат̣т̣ха̄наван̣н̣ана̄

идан̃ча суттам̣ сол̣асавидхе суттантапат̣т̣ха̄не сам̣килесаниббедха̄секкхабха̄гийам̣, саббабха̄гийамева ва̄ ‘‘саббадхаммамӯлапарийа̄йа’’нти еттха саббадхаммаггахан̣ена локийакусала̄нампи сан̇гахитатта̄. ат̣т̣хавӣсативидхена пана суттантапат̣т̣ха̄не локийалокуттарасаббадхамма̄дхит̣т̣ха̄нам̣ н̃а̄н̣ан̃еййам̣ дассанабха̄ванам̣ сакавачанам̣ виссаджджанӣйам̣ кусала̄кусалам̣ анун̃н̃а̄там̣ пат̣иккхиттам̣ ча̄ти ведитаббам̣.

неттинайаван̣н̣ана̄ нит̣т̣хита̄.

мӯлапарийа̄йасуттаван̣н̣ана̄йа лӣнаттхаппака̄сана̄ саматта̄.