8. вибхаттиха̄раван̣н̣ана̄

‘‘саббадхаммамӯлапарийа̄йа’’нти еттха саббадхамма̄ на̄ма тебхӯмака̄ дхамма̄ сакка̄йасса адхиппетатта̄. тесам̣ ман̃н̃ана̄ падат̣т̣ха̄нам̣ папан̃часан̇кха̄нимиттатта̄ локавичиттасса. тайиме кусала̄ акусала̄ абйа̄ката̄ти тивидха̄. тесу кусала̄нам̣ йонисоманасика̄ра̄ди падат̣т̣ха̄нам̣, акусала̄нам̣ айонисоманасика̄ра̄ди, абйа̄ката̄нам̣ каммабхаваа̄ваджджанабхӯтарӯпа̄ди падат̣т̣ха̄нам̣. таттха кусала̄ ка̄ма̄вачара̄дивасена бхӯмито тивидха̄, татха̄ абйа̄ката̄ читтуппа̄дасабха̄ва̄, ачиттуппа̄дасабха̄ва̄ пана ка̄ма̄вачара̄ва татха̄ акусала̄. парийаттипат̣ипаттипат̣иведхасутакичча̄бха̄вена тивидхо ассутава̄. андхакалйа̄н̣авибха̄гена дувидхо путхуджджано. самма̄самбуддхапаччекабуддхаса̄вакабхедена тивидха̄ арийа̄. мам̣сачаккхудиббачаккхупан̃н̃а̄чаккхӯхи дассана̄бха̄вена тивидхо адасса̄вӣ. маггапхаланибба̄набхедена тивидхо, нававидхо ва̄ арийадхаммо. саванадха̄ран̣апаричайаманасика̄рапат̣иведхавасена пан̃чавидха̄ арийадхаммасса ковидата̄. тадабха̄вато аковидо. сам̣варапаха̄набхедена дувидхо, дасавидхо ва̄ арийадхаммавинайо, тадабха̄вато арийадхамме авинӣто. еттха падат̣т̣ха̄навибха̄го хет̣т̣ха̄ дасситойева. ‘‘саппуриса̄нам̣ адасса̄вӣ’’тиа̄дӣсупи есева найо. ‘‘патхавим̣ ман̃н̃атӣ’’тиа̄дӣсу ман̃н̃ана̄ваттхувибха̄го па̄л̣ийам̣ а̄гатова, татха̄ аджджхаттикаба̄хира̄дико ча антаравибха̄го.

ман̃н̃ана̄ пана тан̣ха̄ма̄надит̣т̣хивасена сан̇кхепато тивидха̄, виттха̄рато пана тан̣ха̄ман̃н̃ана̄ та̄ва ка̄матан̣ха̄дивасена ат̣т̣хасатавидха̄, татха̄ ‘‘асмӣти сати иттхам̣смӣти хотӣ’’тиа̄дина̄. евам̣ ма̄наман̃н̃ана̄пи. ‘‘асмӣти сати иттхам̣смӣти хотӣ’’тиа̄дина̄ папан̃чаттайам̣ уддит̣т̣хам̣ ниддит̣т̣хан̃ча̄ти. етена дит̣т̣химан̃н̃ана̄йапи ат̣т̣хасатавидхата̄ вутта̄ти ведитабба̄. апича сеййасса ‘‘сеййохамасмӣ’’тиа̄дина̄ ма̄наман̃н̃ана̄йа нававидхата̄ тадантарабхедена анекавидхата̄ ча ведитабба̄. айан̃ча аттхо хӣнаттикаттхаван̣н̣ана̄йа вибха̄ветаббо. дит̣т̣химан̃н̃ана̄йа пана брахмаджа̄ле а̄гатанайена два̄сат̣т̣хивидхата̄ тадантарабхедена анекавидхата̄ ча ведитабба̄. ‘‘апарин̃н̃а̄та’’нти еттха н̃а̄тапарин̃н̃а̄дивасена чева рӯпамукха̄диабхинивесабхеда̄дивасена ча парин̃н̃а̄нам̣ анекавидхата̄ ведитабба̄. татха̄ ат̣т̣хамака̄дивасена секкхавибха̄го пан̃н̃а̄вимутта̄дивасена асеккхавибха̄го ча. айаметтха дхаммавибха̄го. падат̣т̣ха̄навибха̄го ча бхӯмивибха̄го ча вуттанайа̄нуса̄рена ведитабба̄ти. айам̣ вибхаттиха̄ро.