4. раджананиддесаван̣н̣ана̄

58. мӯлан̃ча кхандхо ча тачо ча паттан̃ча пхалан̃ча пуппхан̃ча, тесам̣ пабхедоти чхат̣т̣хӣтаппурисо. атха ва̄ пабхеда-саддасса каммаса̄дханатте та̄нийева пабхедоти каммадха̄райо, тато. раджанти етехӣти раджана̄ни, мӯла̄дӣни. ‘‘ануджа̄на̄ми, бхиккхаве, чха раджана̄ни мӯлараджана’’нтиа̄дина̄ (маха̄ва. 344) бхагавата̄ анун̃н̃а̄татта̄ вуттам̣ ‘‘раджана̄ чхаппака̄ра̄ни, анун̃н̃а̄та̄ни саттхуна̄’’ти.

59. мӯлети мӯлараджане халиддим̣ виваджджийа саббам̣ лаббханти самбандхо. евам̣ саббаттха. ман̃джет̣т̣хи ча тун̇гаха̄рако ча̄ти двандо. алли-саддена нӣли-саддена ча тесам̣ гаччхаджа̄тӣнам̣ патта̄ни гахита̄ни упача̄рена, татха̄ лодда-саддена кан̣д̣ула-саддена ча тачо, кусумбха-саддена ким̣ сука-саддена ча пуппха̄ни. тенева ча та̄ни напум̣сака̄ни. тун̇гаха̄рако на̄ма еко кан̣т̣акаруккхо, тасса харита̄лаван̣н̣ам̣ кхандхараджанам̣ хоти. аллипаттена екава̄рам̣ гихипарибхуттам̣ раджитум̣ ват̣т̣ати. пхалараджане саббампи ват̣т̣ати.

раджананиддесаван̣н̣ана̄ нит̣т̣хита̄.