48. сантосаниддесаван̣н̣ана̄

459. ‘‘чатта̄рима̄ни, бхиккхаве, аппа̄ни чева сулабха̄ни ча, та̄ни ча анаваджджа̄ни. катама̄ни чатта̄ри? пам̣сукӯлам̣, бхиккхаве, чӣвара̄нам̣ аппан̃ча сулабхан̃ча, тан̃ча анаваджджам̣. пин̣д̣ийа̄лопо, бхиккхаве, бходжана̄нам̣ аппан̃ча сулабхан̃ча, тан̃ча анаваджджам̣. руккхамӯлам̣, бхиккхаве, сена̄сана̄нам̣ аппан̃ча сулабхан̃ча, тан̃ча анаваджджам̣. пӯтимуттабхесаджджам̣, бхиккхаве, бхесаджджа̄нам̣ аппан̃ча сулабхан̃ча, тан̃ча анаваджджам̣. има̄ни кхо, бхиккхаве, чатта̄ри аппа̄ни чева сулабха̄ни ча, та̄ни ча анаваджджа̄нӣ’’ти (а. ни. 4.27; итиву. 101) вачанато ‘‘аппена̄’’тиа̄ди вуттам̣.

сантут̣т̣хоти еттха йатха̄ла̄бхайатха̄балайатха̄са̄руппасантоса̄нам̣ васена екекасмим̣ паччайе тайо тайо катва̄ чатӯсу паччайесу два̄даса сантоса̄ хонти. маттан̃н̃ӯти еттха (ма. ни. ат̣т̣ха. 1.422; сам̣. ни. ат̣т̣ха. 3.4.239; а. ни. ат̣т̣ха. 2.3.16; итиву. ат̣т̣ха. 28; дха. са. ат̣т̣ха. 124-134) чатта̄ро матта̄ парийесанаматта̄ пат̣иггахан̣аматта̄ парибхогаматта̄ виссаджджанаматта̄ти. итарӣтарена йа̄пенто субхаро на̄ма. сантосавиниччхайо.

сантосаниддесаван̣н̣ана̄ нит̣т̣хита̄.