4. раджананиддесаван̣н̣ана̄

58. ида̄ни тесам̣ чӣвара̄нам̣ раджанавидха̄нам̣ дассетум̣ ‘‘раджана̄ни ча̄’’ти вуттам̣. таттха ‘‘ануджа̄на̄ми, бхиккхаве, чха раджана̄ни мӯлараджанам̣ кхандхараджанам̣ тачараджанам̣ паттараджанам̣ пуппхараджанам̣ пхалараджана’’нти (маха̄ва. 344) евам̣ бхагавата̄ анун̃н̃а̄татта̄ ‘‘чхаппака̄ра̄ни анун̃н̃а̄та̄ни саттхуна̄’’ти вуттам̣.

59. таттха мӯлети мӯлараджанети аттхо. халиддим̣ виваджджийа саббам̣ лаббханти самбандхо. евам̣ сесесупи. тун̇гаха̄рако на̄ма еко сакан̣т̣акаруккхо, тасса харита̄лаван̣н̣ам̣ кхандхараджанам̣ хоти. гихипарибхуттам̣ пана аллипаттена екава̄рам̣ раджитум̣ ват̣т̣ати. пхалараджане акаппийам̣ на̄ма наттхи, саббам̣ ват̣т̣атӣти. раджанавиниччхайо.

раджананиддесаван̣н̣ана̄ нит̣т̣хита̄.