36. бхесаджджаниддесаван̣н̣ана̄

274-5. сахадхамминам̣ лаббхам̣ бхесаджджакаран̣анти самбандхо. на кевалам̣ пан̃чаннам̣ сахадхаммика̄нам̣йева бхиккха̄чарийавин̃н̃аттисакехи бхесаджджакаран̣ам̣ лаббхати, атха кхо апаресампи пан̃чаннам̣ лаббхати, те дассенто ‘‘питӯна’’нтиа̄дима̄ха. питӯнанти ма̄та̄питӯнанти аттхо. йе ма̄та̄питаро джагганти упат̣т̣хаханти, те тадупат̣т̣ха̄ка̄ на̄ма. бхиккхум̣ ева нисса̄йа джӣванто бхиккхунисситако на̄ма. паббаджджа̄пеккхо ‘‘бхан̣д̣ӯ’’ти вуччати.

276. апаресампи дасаннам̣ ка̄тум̣ ват̣т̣ати, те дассетум̣ ‘‘маха̄чӯл̣апита̄’’тиа̄дима̄ха. еттха (па̄ра̄. ат̣т̣ха. 2.185-187) пана маха̄пита̄ чӯл̣апита̄ маха̄ма̄та̄ чӯл̣ама̄та̄ маха̄бха̄та̄ чӯл̣абха̄та̄ маха̄бхагинӣ чӯл̣абхагинӣти имехи ат̣т̣хахи а̄ди-саддена питубхагинин̃ча ма̄тубха̄тикан̃ча гахетва̄ даса. етесам̣ пана сакена бхесаджджена ка̄таббам̣. аттанийе ча асатӣти па̄т̣хасесо.

277. на кевалан̃ча етесам̣ дасаннам̣, имехи самбандха̄нам̣ путтанатта̄дӣнам̣ йа̄васаттама̄ кулапариват̣т̣а̄ ка̄тум̣ ват̣т̣атӣти дассанаттхам̣ ‘‘куладӯсана̄’’тиа̄дима̄ха. ан̃н̃опи (па̄ра̄. ат̣т̣ха. 2.285-287) йо а̄гантуко ва̄ чоро ва̄ йуддхапара̄джито ва̄ иссаро н̃а̄такехи париччатто ва̄ гамийамануссо ва̄ гила̄но хутва̄ виха̄рам̣ пависати, саббесампи апачча̄сӣсантена бхесаджджам̣ ка̄таббам̣.

278. ма̄та̄ (па̄ра̄. ат̣т̣ха. 2.185-187) пита̄ тадупат̣т̣ха̄ко бхиккхунисситако пан̣д̣упала̄со веййа̄ваччакароти имесам̣ чханнам̣ ана̄мат̣т̣хапин̣д̣апа̄то ава̄ритоти аттхо. кин̃ча бхиййо – да̄марикачорасса ча иссарийасса ча да̄тумава̄ритоти аттхо.

279. тесанти (па̄ра̄. ат̣т̣ха. 2.185-187) гахат̣т̣ха̄нам̣. са̄саногадханти ратанапариттаа̄т̣а̄на̄т̣ийапаритта̄дипариттам̣ бхан̣итаббанти аттхо.

280. ‘‘а̄гантва̄ (па̄ра̄. ат̣т̣ха. 2.185-187) сӣлам̣ дету, дхамман̃ча париттан̃ча бха̄сатӯ’’ти кеначи песитоти самбандхо. да̄тум̣ ваттунти сӣлам̣ да̄тум̣, дхамман̃ча париттан̃ча ваттум̣ лаббхатӣти аттхо. бхесаджджавиниччхайо.

бхесаджджаниддесаван̣н̣ана̄ нит̣т̣хита̄.