28. камманиддесаван̣н̣ана̄

199. адхаммакамманти еттха катхам̣ адхаммакаммам̣ хотӣти че? вуттан̃хетам̣ бхагавата̄ ‘‘катаман̃ча, бхиккхаве, адхаммакаммам̣? н̃аттидутийе че, бхиккхаве, камме ека̄йа н̃аттийа̄ каммам̣ кароти, на ча каммава̄чам̣ анусса̄вети, адхаммакаммам̣. двӣхи н̃аттӣхи каммам̣ кароти, на ча каммава̄чам̣ анусса̄вети, адхаммакаммам̣. ека̄йа каммава̄ча̄йа каммам̣ кароти, на ча н̃аттим̣ т̣хапети, адхаммакаммам̣. двӣхи каммава̄ча̄хи каммам̣ кароти, на ча н̃аттим̣ т̣хапети, адхаммакамма’’нти (маха̄ва. 387). имина̄ найена сесакаммесупи вуттаппака̄рена акатва̄ ан̃н̃атха̄ каран̣ам̣ адхаммакамманти ведитаббам̣.

ваггена̄ти ваггена сан̇гхена. катхан̃ча ваггам̣ хотӣти че? йа̄ватика̄ ча бхиккхӯ каммаппатта̄, те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти, ваггакамманти имесу йена кеначи екенапи ан̇гена ваггам̣ хоти.

самаггена̄ти самаггена сан̇гхена. катхам̣ самаггам̣ хотӣти че? йа̄ватика̄ ча бхиккхӯ каммаппатта̄, те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ наппат̣иккосанти, самаггакамманти евам̣.

чатуттханти самаггена дхаммикам̣. етта̄вата̄ ‘‘чатта̄рима̄ни, бхиккхаве, камма̄ни, адхаммена ваггакаммам̣, адхаммена самаггакаммам̣, дхаммена ваггакаммам̣, дхаммена самаггакамма’’нти (маха̄ва. 384) евам̣ вутта̄ни чатта̄ри камма̄ни париггахита̄ни хонтӣти ведитабба̄ни.

200-202. дасаваггико (маха̄ва. 388; кан̇кха̄. ат̣т̣ха. нида̄наван̣н̣ана̄) вӣсативаггико ча дасавӣсативаггико. аббха̄нопасампада̄ппава̄ран̣а̄ т̣хапетва̄ саббакаммесу каммаппаттоти самбандхо. евам̣ сесесупи. итароти вӣсативагго ча атирекавӣсативагго ча.

203. ида̄ни каммаппатте ча чханда̄рахе ча дассетум̣ ‘‘чатуваггена̄’’тиа̄ди вуттам̣. таттха (пари. 488, 497; пари. 487-488) пакататта̄ на̄ма йе па̄ра̄джикауккхитталаддхина̄на̄сам̣ва̄сака̄ на хонти. парети екасӣмат̣т̣ха̄ пакататта̄ бхиккхӯ. йади пакататта̄ бхиккхӯпи ан̃н̃атарам̣ га̄масӣмам̣ ва̄ надӣсамуддаджа̄тассаракхан̣д̣асӣма̄су ва̄ ан̃н̃атарам̣ пависитва̄ т̣хита̄ хонти, нева каммаппатта̄, на чханда̄раха̄. на хи тесам̣ чхандо ва̄ па̄рисуддхи ва̄ а̄гаччхати ан̃н̃асӣма̄йам̣ т̣хитатта̄. сесепӣти пан̃чавагга̄дикаран̣ӣйепӣти аттхо.

204. асам̣ва̄саган̣апӯрам̣ ва̄ катва̄ катам̣ каммам̣ куппан̃ча хоти, ка̄рака̄нан̃ча дуккат̣анти аттхо. ‘‘йасса сан̇гхо каммам̣ кароти, там̣чатуттхо каммам̣ кареййа, акаммам̣ на ча каран̣ӣйа’’нти (маха̄ва. 389) вуттатта̄ ‘‘камма̄рахаган̣апӯрам̣ ва̄’’ти вуттам̣. ида̄ни парива̄са̄дикамма̄нам̣йева парисато випаттим̣ дассетум̣ ‘‘гарукат̣т̣хаган̣апӯрам̣ ва̄’’ти вуттам̣. тампи аниккхиттаваттам̣ сандха̄йа вуттам̣. никкхиттаватто пана саббаттха ган̣апӯрако хоти ева.

205. ва̄реййа̄ти пат̣иккхипеййа. ‘‘ануджа̄на̄ми, бхиккхаве, адхаммакамме кайирама̄не пат̣иккоситу’’нти (маха̄ва. 154) хи вуттам̣. антара̄йе сатӣти аттхо. ‘‘адхаммакаммам̣ идам̣, на метам̣ кхаматӣ’’ти евам̣ две тайо ан̃н̃аман̃н̃ам̣ дит̣т̣хим̣ а̄ви кареййунти аттхо. йади еко хоти, ‘‘на метам̣ кхаматӣ’’ти евам̣ адхит̣т̣ха̄нам̣ кареййа̄ти аттхо. етта̄вата̄ ете нира̄паттика̄ хонти, антара̄йа̄ ча муччанти, каммам̣ пана адхамматта̄ куппамева. ва̄рентева татодхика̄ти еттха ‘‘ануджа̄на̄ми, бхиккхаве, чатӯхи пан̃чахи пат̣иккоситум̣, двӣхи тӣхи дит̣т̣хим̣ а̄ви ка̄тум̣, екена адхит̣т̣ха̄тум̣, ‘‘на метам̣ кхаматӣ’’ти (маха̄ва. 154) вуттатта̄ чатта̄ро ва̄ пан̃ча ва̄ ва̄ренти ева̄ти аттхо.

206. ида̄ни йехи пат̣иккхиттам̣ хоти, те дассетум̣ ‘‘камма̄раха̄’’тиа̄ди вуттам̣. таттха кхиттачитта-ггахан̣ена умматтакопи гахитова. етесанти йе вуттаппака̄ра̄, тесам̣ пат̣иккхепо на рухатӣти аттхо.

207. ида̄ни йасса пат̣иккхепо рухати, там̣ дассетум̣ ‘‘пакататтекасӣмат̣т̣ха-самасам̣ва̄сабхиккхуно’’ти вуттам̣. тассаттхо (маха̄ва. 394) – еварӯпасса бхиккхуно пат̣иккосана̄ антамасо а̄нантарасса̄пи а̄рочентасса рухатӣти. ‘‘бхиккхусса, бхиккхаве, пакататтасса сама̄насам̣ва̄сикасса сама̄насӣма̄йам̣ т̣хитасса антамасо а̄нантарикассапи бхиккхуно вин̃н̃а̄пентасса сан̇гхамаджджхе пат̣иккосана̄ рухатӣ’’ти (маха̄ва. 394) вуттам̣.

208. саммукха̄ йади пат̣иккосеййа̄ти аттхо. тироккха̄ти параммукха̄. ка̄йаса̄маггим̣ ва̄ чхандам̣ ва̄ но дадеййа, дуккат̣анти аттхо. каммавиниччхайо.

камманиддесаван̣н̣ана̄ нит̣т̣хита̄.