29. миччха̄джӣвавиваджджана̄ниддесаван̣н̣ана̄

209. чун̣н̣анти сирӣсачун̣н̣а̄диканти аттхо. маттика̄ти пакатиматтика̄ ва̄ пан̃чаван̣н̣а̄ ва̄ суддха̄ кун̇кут̣т̣хаа̄дика̄ ва̄. куласан̇гаха̄ти етехи сан̇гахита̄нам̣ сантике ла̄бха̄са̄йа куласан̇гахаттханти аттхо. еттха пана имехи сан̇гахита̄нам̣ сантике ‘‘кин̃чи лабхисса̄мӣ’’ти сан̇гхикам̣ ва̄ пуггаликам̣ ва̄ да̄тум̣ на ват̣т̣ати ева. имина̄ пана найена ладдхам̣ пан̃чаннампи сахадхаммика̄нам̣ на ват̣т̣ати, миччха̄джӣван̃ча хоти.

210-211. ла̄бха̄са̄йа да̄йака̄нам̣ да̄раке уккхипитва̄ парибхат̣абха̄во па̄рибхат̣аката̄, та̄йа па̄рибхат̣аката̄йа на джӣвайети самбандхо. сесесупи есева найо. кхетта̄дӣсу песитасса гаманам̣ пахен̣акаммам̣. са̄санаппат̣иса̄санахаран̣ам̣ дӯтакаммам̣. песитасса гехато гехагаманам̣ джан̇гхапесанийам̣. ла̄бха̄са̄йа лан̃джада̄намануппада̄нам̣. ан̃н̃ена ва̄пӣти ан̇гавиджджа̄дина̄.

212. вин̃н̃аттӣти (па̄ра̄. 515 а̄дайо; па̄ра̄. ат̣т̣ха. 2.515 а̄дайо) ан̃н̃а̄такавин̃н̃атти. анесана̄ти пуббе вуттена пуппхада̄на̄дина̄ паччайесана̄. кухана̄дӣхӣти (вибха. 861; вибха. ат̣т̣ха. 861; маха̄ни. 87) кухана̄ лапана̄ немиттаката̄ ниппесиката̄ ла̄бхена ла̄бхам̣ ниджигӣсаната̄ти имехи пан̃чахи ваттхӯхӣти аттхо. миччха̄джӣвавиниччхайо.

миччха̄джӣвавиваджджана̄ниддесаван̣н̣ана̄ нит̣т̣хита̄.