25. акаппийасайананиддесаван̣н̣ана̄

187-9. ‘‘уччако а̄сандико уппанно хоти, ануджа̄на̄ми бхиккхаве уччакампи а̄сандика’’нти (чӯл̣ава. 297) вачанато ман̃часса упад̣д̣хабха̄гаппама̄н̣ена екатобха̄гена дӣгхампи сугатан̇гулена атирекат̣т̣хан̇гулапа̄дакам̣ идха а̄сандӣти адхиппетам̣, чатурам̣са̄сандико пана пама̄н̣а̄тиккантакопи ват̣т̣ати. тӯлӣти пакатитӯлика̄. паллан̇кона̄ма а̄харимехи ва̄л̣ехи катоти вутто. таттхева ‘‘сӣхарӯпа̄дим̣ дассетва̄ като пана ват̣т̣атӣ’’ти ваданти. пат̣иканти сетаттхаран̣ам̣. гоначиттаканти еттха чатуран̇гула̄дхикаломо коджаво ‘‘гонако’’ти вуччати. ‘‘ануджа̄на̄ми, бхиккхаве, коджава’’нти (маха̄ва. 337) чӣвараккхандхаке вуттатта̄ чатуран̇гулаломакам̣ пакатикоджавам̣ ват̣т̣ати. ратаначиттам̣ читтакам̣ на ват̣т̣ати. пат̣алӣти гханапуппхараттааттхаран̣ам̣. викатӣти сӣхабйаггха̄дирӯпавичитто ун̣н̣а̄майаттхаран̣ако. уддаломӣти екатоуггатапуппхам̣. еканталомика̄ти убхатоуггатапуппхам̣.

куттанти сол̣асаннам̣ на̄т̣акиттхӣнам̣ т̣хатва̄ наччанайоггам̣ ун̣н̣а̄майаттхаран̣ам̣. косеййанти ратанапарисиббитам̣ косеййасуттамайам̣ паччаттхаран̣ам̣. кат̣т̣иссанти ратанапарисиббитам̣ косеййакат̣т̣иссамайам̣ паччаттхаран̣ам̣. косеййан̃ча кат̣т̣иссан̃ча ратанапарисиббита̄нева на ват̣т̣анти, суддха̄ни ват̣т̣анти. хаттхиассаратхаттхара̄ тесам̣ упари аттхаран̣акааттхаран̣а̄ва. аджинаппавен̣ӣти аджиначаммехи ман̃чаппама̄н̣ена сиббитва̄ ката̄ павен̣ӣ, тена ча кадалӣмигачаммам̣ сетаваттхасса упари паттхаритва̄ сиббитва̄ катам̣ павараппаччаттхаран̣ам̣ кадалӣмигаппавараппаччаттхаран̣ам̣, тена ча аттхатам̣ аджинаппавен̣ӣкадалӣмигаппавараппаччаттхаран̣аттхатам̣.

сетавита̄нампи хет̣т̣ха̄ акаппийаппаччаттхаран̣е сати на ват̣т̣ати, каппийаппаччаттхаран̣е сати ват̣т̣ати, раттавита̄насса хет̣т̣ха̄ каппийаппаччаттхаран̣е сатипи на ват̣т̣ати ева. сӣсӯпадха̄нам̣ па̄дӯпадха̄нанти ман̃часса убхатолохитакам̣ упадха̄нам̣ на ват̣т̣ати. йам̣ пана екамева упадха̄нам̣ хоти, убхосу антесу раттам̣ ва̄ падумаван̣н̣ам̣ ва̄ читтам̣ ва̄, саче пама̄н̣айуттам̣, ват̣т̣ати, маха̄упадха̄нам̣ пана пат̣иккхиттам̣.

190. а̄санда̄диттайа̄ти а̄сандӣ тӯлӣ паллан̇коти идам̣ тайам̣ на̄мам̣. ‘‘ануджа̄на̄ми, бхиккхаве, т̣хапетва̄ тӣн̣и а̄сандим̣ паллан̇кам̣ тӯликам̣ сесакам̣ гихивикат̣ам̣ абхинисӣдитум̣, на твева абхинипаджджиту’’нти (чӯл̣ава. 314) хи вуттам̣. сесе гихисантаке нисӣдитум̣ лаббхатӣти аттхо. йади дхамма̄сане сан̇гхикампи гонака̄дим̣ бхиккхӯхи ана̄н̣атта̄ а̄ра̄мика̄дайо сайамева пан̃н̃апенти чева нӣхаранти ча, етам̣ гихивикат̣анӣха̄рам̣ на̄ма, имина̄ гихивикат̣анӣха̄рена ват̣т̣ати. бхаттаггам̣ на̄ма виха̄ре ева да̄нат̣т̣ха̄нам̣.

191. чатуннам̣ па̄да̄нам̣, тӣсу пассесу апассайа̄нан̃ча васена саттан̇го. екапассена йутто пан̃чан̇го. име пана саттан̇гапан̃чан̇га̄ ‘‘ануджа̄на̄ми, бхиккхаве, уччакампи саттан̇га’’нти (чӯл̣ава. 294) вуттатта̄ пама̄н̣а̄тикканта̄пи ват̣т̣анти. тена вуттам̣ ‘‘уччапа̄дака̄’’ти. тӯлонаддха̄ ман̃чапӣт̣ха̄ гхарейева нисӣдитум̣ каппантӣти самбандхо.

192. чӣвараччхавийоти чханнам̣ чӣвара̄нам̣, чханнам̣ ануломачӣвара̄нан̃ча ан̃н̃атарачӣвараччхавийоти аттхо. саббаттха̄ти ман̃чепи пӣт̣хепи бхаттаггепи антарагхарепӣти аттхо. има̄сам̣ пана бхисӣнам̣ пама̄н̣апариччхедопи наттхи, ман̃чапӣт̣ха̄дӣнам̣ васена анурӯпам̣ саллаккхетва̄ пама̄н̣ам̣ ка̄таббам̣.

193. ‘‘тӯлика̄ уппанна̄ хоти. ануджа̄на̄ми, бхиккхаве, виджат̣етва̄ бимбоханам̣ ка̄тум̣, тӣн̣и тӯла̄ни руккхатӯлам̣ лата̄тӯлам̣ пот̣акитӯла’’нти (чӯл̣ава. 297) вуттатта̄ тӯлаттайан̃ча (чӯл̣ава. ат̣т̣ха. 297; кан̇кха̄. ат̣т̣ха. тӯлонандасиккха̄падаван̣н̣ана̄) бимбохане ват̣т̣ати. имехи тӣхи тӯлехи саббесам̣ руккхалата̄тин̣а̄нам̣ тӯлам̣ анун̃н̃а̄танти ведитаббам̣. бхисийам̣ пана кин̃чи тӯлам̣ на ват̣т̣атийева. бхисигаббхоти бхисийа̄ вуттам̣ чол̣а̄дипан̃чакам̣ бимбохане анун̃н̃а̄танти самбандхо. мигапаккхинанти сӣха̄дӣнам̣ саббачатуппада̄нам̣ хам̣самора̄дӣнам̣ саббапаккхӣнам̣ лома̄ни каппанти. масӯраке анун̃н̃а̄танти самбандхо.

194. ида̄ни бхисийам̣ каппийа̄каппийам̣ дассетум̣ ‘‘мануссалома’’нтиа̄дима̄ха. ун̣н̣а̄йанти (чӯл̣ава. 297; чӯл̣ава. ат̣т̣ха. 297) ун̣н̣а̄бхисийам̣ мануссаломам̣ на лаббхатӣти аттхо. ун̣н̣а̄бхисийампи мануссаломам̣ т̣хапетва̄ йесам̣ кесан̃чи паккхичатуппада̄нам̣ ломам̣ ват̣т̣атӣти аттхо. пан̣н̣ети пан̣н̣абхисийан̃ча пуппхан̃ча суддхам̣ тама̄лапаттан̃ча на лаббхам̣, авасесам̣ йам̣ кин̃чи пан̣н̣ам̣ лаббхатӣти аттхо. тама̄лапаттакампи ан̃н̃ехи миссам̣ ват̣т̣атӣти. чол̣ава̄катин̣есу акаппийам̣ на̄ма наттхи. а̄санан̃чева аппат̣ивеккхитам̣ на лаббханти а̄санаса̄ман̃н̃ато пасан̇гена вуттам̣. акаппийасайанавиниччхайо.

акаппийасайананиддесаван̣н̣ана̄ нит̣т̣хита̄.