26. сама̄на̄саниканиддесаван̣н̣ана̄

195. тин̣н̣ам̣ васса̄нам̣ антарам̣ тивассантарам̣. ‘‘ануджа̄на̄ми, бхиккхаве, тивассантарена саха нисӣдиту’’нти (чӯл̣ава. 320) хи вуттам̣. йо двӣхи вассехи (чӯл̣ава. ат̣т̣ха. 320) вуд̣д̣хо ва̄ наво ва̄, со тивассантаро на̄ма.

196. мунӣти буддхамуни. саббехева̄ти анупасампаннехипи.

197. антанти паччхимам̣. ‘‘ануджа̄на̄ми, бхиккхаве, йам̣ тин̣н̣ам̣ пахоти, еттакам̣ паччхимам̣ дӣгха̄сана’’нти (чӯл̣ава. 320) вуттатта̄ йам̣ тин̣н̣ам̣ пахоти, етам̣ сам̣ха̄римам̣ ва̄ хоту асам̣ха̄римам̣ ва̄, татха̄рӯпесу пхалакакхан̣д̣есупи нисӣдитум̣ ват̣т̣ати. двиннанти двиннам̣ сама̄на̄саника̄нам̣. ‘‘ануджа̄на̄ми, бхиккхаве, дуваггасса ман̃чам̣ дуваггасса пӣт̣ха’’нти (чул̣ава. 320) вуттатта̄ две сама̄на̄саника̄ саха нисӣдитум̣ лабханти. ан̃н̃ехи асама̄на̄саникехи, анупасампанна̄дӣхи ва̄ две хутва̄пи нисӣдитум̣ на лабханти. сама̄на̄саникавиниччхайо.

сама̄на̄саниканиддесаван̣н̣ана̄ нит̣т̣хита̄.