9. ан̃н̃абха̄гийасиккха̄падаван̣н̣ана̄

ан̃н̃абха̄го ва̄ асса аттхӣти йатха̄ суван̣н̣асседам̣ сован̣н̣амитйатра суван̣н̣ава̄ анена суван̣н̣о итйуччате. там̣ пат̣има̄йа сарӣрам̣, сила̄путтакасса сарӣранти ча нидассанам̣. чхагалакасса ‘‘даббо’’ти диннам̣ на̄мам̣ ‘‘десо’’ти вуччати. касма̄? тхерам̣ ануддхам̣сетум̣ тхерасса̄пи ападиситаббатта̄. ан̃н̃ампи ваттхум̣ на тхерам̣йева. лиссати силиссати воха̄раматтеневана аттхато. ӣсакам̣ аллӣйатӣти лесоти адхиппа̄йо. лисаселачхаколааллӣбха̄ве. тена вуттам̣ ‘‘ӣсакам̣ аллӣйатӣти лесо’’ти. йасма̄ десалеса̄ аттхато нинна̄на̄каран̣ам̣, тасма̄ ‘‘кин̃чидесам̣ лесаматтам̣ упа̄да̄йа̄’’ти падам̣ уддхаритва̄ ‘‘даса леса̄ джа̄тилесо’’тиа̄ди (па̄ра̄. 394) падабха̄джане вуттам̣.

ат̣т̣хуппаттивасенева а̄вибхӯтанти еттха кин̃ча бхиййо анийаматта̄. на хи меттийабхӯмаджака̄нам̣ вийа ан̃н̃есам̣ саббесампи ‘‘чхагалакамеветтха ан̃н̃абха̄гийам̣ адхикаран̣ам̣ хоти, ан̃н̃ам̣ гомахим̣са̄дикампи хоти, на ча меттийабхӯмаджака̄ вийа саббепи на̄малесаматтамева упа̄дийанти, ан̃н̃ампи джа̄тилеса̄дим̣ упа̄дийанти, тасма̄ анийаматта̄ на вибхаттам̣. кин̃ча бхиййо татха̄вутте чхагалакассева ан̃н̃абха̄гийата̄ самбхавати, на ан̃н̃асса, йена сова дассито. лесо ча на̄ма лесова, на джа̄тиа̄ди, йена сова дасситоти евам̣ миччха̄га̄хаппасан̇гатоти ведитаббам̣. идха ча…пе… сан̃н̃инопӣти имасмим̣ сиккха̄паде ча амӯлакасиккха̄паде ча̄ти аттхо.

ан̃н̃абха̄гийасиккхам̣ йо, нева сиккхати йуттито;

гаччхе винайавин̃н̃ӯхи, ан̃н̃абха̄гийатам̣ва со. (ваджира. т̣ӣ. па̄ра̄джика 408);

ан̃н̃абха̄гийасиккха̄падаван̣н̣ана̄ нит̣т̣хита̄.