6. ваджджаппат̣иччха̄дика̄сиккха̄падаван̣н̣ана̄

па̄ра̄джикам̣ дхаммам̣ аджджха̄паннанти бхиккхӯхи са̄дха̄ран̣а̄нам̣ чатуннам̣, аса̄дха̄ран̣а̄нам̣ чатуннан̃ча̄ти ат̣т̣ханнаман̃н̃атарам̣ аджджха̄паннам̣. идан̃ча па̄ра̄джикам̣ (па̄чи. ат̣т̣ха. 666) паччха̄ пан̃н̃аттам̣, сан̇гӣтика̄рака̄чарийехи пана пуримена саддхим̣ йугал̣ам̣ катва̄ имасмим̣ ока̄се т̣хапитанти ведитаббам̣. ‘‘ат̣т̣ханнам̣ па̄ра̄джика̄нам̣ ан̃н̃атара’’нти (па̄чи. 666) вачанато пана ваджджаппат̣иччха̄дикам̣ йа̄ пат̣иччха̄дети, са̄пи ваджджаппат̣иччха̄дика̄ ева̄ти дат̣т̣хаббам̣. кин̃ча̄пи ваджджаппат̣иччха̄данам̣ пемавасена хоти, татха̄пи сиккха̄падавӣтиккамачиттам̣ доманассамева хотӣти катва̄ дуккхаведанам̣ хотӣти ‘‘татра хи па̄читтийам̣…пе… сесам̣ та̄дисамева̄’’ти вуттам̣.

ваджджаппат̣иччха̄дика̄сиккха̄падаван̣н̣ана̄ нит̣т̣хита̄.