6. тхеййасаттхасиккха̄падаван̣н̣ана̄

чхат̣т̣хе йе ра̄джа̄нам̣ ва̄ ван̃четва̄ сун̇кам̣ ва̄ парихаритука̄ма̄ чора̄ катакамма̄ чева акатакамма̄ ча маггаппат̣ипанна̄, тесу идха тхеййасаттхасан̃н̃ино тасса тхеййасаттхабха̄вам̣ н̃атва̄ тена саддхим̣ сам̣видха̄йа гаччхантасса сам̣видха̄не ча гамане ча ова̄давагге вуттанайена а̄паттивиниччхайо ведитаббо.

са̄ваттхийам̣ ан̃н̃атарам̣ бхиккхум̣ а̄раббха тхеййасаттхена саддхим̣ сам̣видха̄йа екаддха̄намаггам̣ пат̣ипаджджанаваттхусмим̣ пан̃н̃аттам̣, са̄дха̄ран̣апан̃н̃атти, ана̄н̣аттикам̣, мануссесу асам̣видахантесу сайамева сам̣видахитва̄ гаччхантасса, тхеййасаттхе вематикасса, атхеййасаттхе тхеййасаттхасан̃н̃ино, вематикасса ча дуккат̣ам̣. атхеййасаттхасан̃н̃исса, асам̣видахитва̄ ва̄ ка̄лависан̇кетена ва̄, а̄пада̄су ва̄, гаччхантасса, умматтака̄дӣнан̃ча ана̄патти. тхеййасаттхабха̄во, джа̄нанам̣, сам̣видха̄нам̣, ависан̇кетена гамананти има̄неттха чатта̄ри ан̇га̄ни. тхеййасаттхасамут̣т̣ха̄нам̣, кирийам̣, сан̃н̃а̄вимоккхам̣, сачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

тхеййасаттхасиккха̄падаван̣н̣ана̄ нит̣т̣хита̄.