4. ана̄дарийасиккха̄падаван̣н̣ана̄

чатуттхе ана̄дарийети пуггаласса ва̄ дхаммасса ва̄ ана̄даракаран̣е. тасма̄ йо бхиккху упасампаннена пан̃н̃аттена вуччама̄но тасса ва̄ вачанам̣ акаттука̄мата̄йа, там̣ ва̄ дхаммам̣ асиккхитука̄мата̄йа ана̄дарийам̣ кароти, тасса тасмим̣ ана̄дарийе па̄читтийам̣.

косамбийам̣ чханнаттхерам̣ а̄раббха ана̄дарийакаран̣аваттхусмим̣ пан̃н̃аттам̣, са̄дха̄ран̣апан̃н̃атти, ана̄н̣аттикам̣, тикапа̄читтийам̣, анупасампанне тикадуккат̣ам̣, упасампаннена ва̄ анупасампаннена ва̄ ‘‘идам̣ на саллекха̄йа сам̣ваттатӣ’’тиа̄дина̄ найена апан̃н̃аттена вуччама̄насса ана̄дарийепи дуккат̣амева. павен̣иа̄гатам̣ пана уггахам̣ гахетва̄ ‘‘евам̣ амха̄кам̣ а̄чарийа̄нам̣ уггахо парипуччха̄’’ти (па̄чи. 344) бхан̣антасса, умматтака̄дӣнан̃ча ана̄патти. упасампаннасса пан̃н̃аттена вачанам̣, ана̄дарийакаран̣анти има̄неттха две ан̇га̄ни. самут̣т̣ха̄на̄дӣни адинна̄да̄насадиса̄ни, идам̣ пана дуккхаведананти.

ана̄дарийасиккха̄падаван̣н̣ана̄ нит̣т̣хита̄.