3. песун̃н̃асиккха̄падаван̣н̣ана̄

татийе бхиккхупесун̃н̃ети бхиккхусса песун̃н̃е, джа̄тиа̄дӣхи аккосаваттхӯхи бхиккхӯ аккосантасса бхиккхуно сутва̄ вачанам̣ бхиккхуно пийакамйата̄йа ва̄ бхеда̄дхиппа̄йена ва̄ йо аккуддхо, тасса бхиккхусса ка̄йена ва̄ ва̄ча̄йа ва̄ упасам̣хат̣е тасмим̣ песун̃н̃акаран̣авачане па̄читтийанти аттхо.

са̄ваттхийам̣ чхаббаггийе бхиккхӯ а̄раббха песун̃н̃аупасам̣харан̣аваттхусмим̣ пан̃н̃аттам̣, са̄дха̄ран̣апан̃н̃атти, ана̄н̣аттикам̣, вуттанайенева ан̃н̃а̄падесена аккосантасса вачанӯпасам̣ха̄ре ва̄ па̄л̣имуттакааккосӯпасам̣ха̄ре ва̄ анупасампаннасса ча упасам̣ха̄ре дуккат̣ам̣. идха̄пи бхиккхунӣ анупасампаннат̣т̣ха̄не т̣хита̄. на пийакамйата̄йа, на бхеда̄дхиппа̄йена кевалам̣ па̄пагарахита̄йа вадантасса, умматтака̄дӣнан̃ча ана̄патти. джа̄тиа̄дӣхи анан̃н̃а̄падесена аккосантасса бхиккхуно сутва̄ вачанам̣ бхиккхусса упасам̣харан̣ам̣, пийакамйата̄бхеда̄дхиппа̄йесу ан̃н̃атарата̄, тасса виджа̄нана̄ти има̄неттха тӣн̣и ан̇га̄ни. самут̣т̣ха̄на̄дӣни адинна̄да̄насадиса̄нева̄ти.

песун̃н̃асиккха̄падаван̣н̣ана̄ нит̣т̣хита̄.