5. чӣварааччхинданасиккха̄падаван̣н̣ана̄

пан̃чаме са̄мам̣ чӣварам̣ датва̄ти веййа̄вачча̄дӣни пачча̄сисама̄но сайамева датва̄. аччхиндеййа̄ти веййа̄вачча̄дӣни акаронтам̣ дисва̄ сакасан̃н̃а̄йа аччхиндантасса ваттхуган̣ана̄йа а̄паттийо. аччхинда̄пеййа̄тиеттха пана ‘‘аччхинда̄’’ти а̄н̣аттийа̄ дуккат̣ам̣, аччхиндесу йаттака̄ни а̄н̣атта̄ни, тесам̣ ган̣ана̄йа а̄паттийо.

са̄ваттхийам̣ упанандам̣ а̄раббха чӣварааччхинданаваттхусмим̣ пан̃н̃аттам̣, са̄дха̄ран̣апан̃н̃атти, са̄н̣аттикам̣, тикапа̄читтийам̣. анупасампанне упасампаннасан̃н̃ино, вематикасса, анупасампаннасан̃н̃ино ва̄, упасампаннасса̄пи викаппанупагапаччхимачӣварам̣ т̣хапетва̄ ан̃н̃ам̣ париккха̄рам̣, анупасампаннасса ча йам̣кин̃чи аччхиндато ва̄ дуккат̣ам̣. тена тут̣т̣хена ва̄ купитена ва̄ диннам̣ пана тасса висса̄сам̣ ва̄ ган̣хантасса умматтака̄дӣнан̃ча ана̄патти. викаппанупагапаччхимачӣварата̄, са̄мам̣ динната̄, сакасан̃н̃ита̄, упасампанната̄, кодхавасена аччхинданам̣ ва̄ аччхинда̄панам̣ ва̄ти има̄неттха пан̃ча ан̇га̄ни. самут̣т̣ха̄на̄дӣни адинна̄да̄насадиса̄ни ан̃н̃атра ведана̄йа. ведана̄ пана идха дуккхаведана̄йева̄ти.

чӣварааччхинданасиккха̄падаван̣н̣ана̄ нит̣т̣хита̄.