4. чхаббассасиккха̄падаван̣н̣ана̄

чатуттхе орена че чханнам̣ васса̄нанти чханнам̣ васса̄нам̣ оримабха̄ге, антоти аттхо. ан̃н̃атра бхиккхусаммутийа̄ти йам̣ сан̇гхо гила̄насса бхиккхуно сантхатасаммутим̣ дети, там̣ т̣хапетва̄ аладдхасаммутикасса чхаббассаббхантаре ан̃н̃ам̣ сантхатам̣ каронтасса ниссаггийам̣ хоти.

са̄ваттхийам̣ самбахуле бхиккхӯ а̄раббха анувассам̣ сантхатам̣ ка̄ра̄панаваттхусмим̣ пан̃н̃аттам̣, ‘‘ан̃н̃атра бхиккхусаммутийа̄’’ти айаметтха анупан̃н̃атти, са̄ йена ладдха̄ хоти, тасса йа̄ва рого на вӯпасаммати, вӯпасанто ва̄ пуна куппати, та̄ва гатагатат̣т̣ха̄не анувассампи ка̄тум̣ ват̣т̣ати, ан̃н̃ассаттха̄йа ка̄ретум̣, катан̃ча пат̣илабхитва̄ парибхун̃джитумпи ват̣т̣ати, сесам̣ пат̣хамасадисамева̄ти.

чхаббассасиккха̄падаван̣н̣ана̄ нит̣т̣хита̄.