2. удоситасиккха̄падаван̣н̣ана̄

дутийе нит̣т̣хитачӣварасмим̣ бхиккхуна̄тиеттха пуримасиккха̄паде вийа аттхам̣ аггахетва̄ нит̣т̣хите чӣварасмим̣ бхиккхуноти евам̣ са̄мивасена каран̣авачанасса аттхо ведитаббо. каран̣авасена хи бхиккхуна̄ идам̣ на̄ма каммам̣ ка̄таббам̣, там̣ наттхи, са̄мивасена пана бхиккхуно чӣварасмим̣ нит̣т̣хите катхине ча уббхате евам̣ имехи чӣваранит̣т̣ха̄накатхинуббха̄рехи чхиннапалибодхо екараттампи че бхиккху тичӣварена виппавасеййа̄ти евам̣ аттхо йуджджати. таттха тичӣварена̄ти тичӣвара̄дхит̣т̣ха̄нанайена адхит̣т̣хитесу сан̇гха̄т̣иа̄дӣсу йенакеначи. виппавасеййа̄ти вийутто васеййа, ‘‘га̄мо екӯпача̄ро на̄нӯпача̄ро’’тиа̄дина̄ (па̄ра̄. 477) найена па̄л̣ийам̣ вутта̄нам̣ га̄манигамананивесанаудоситаат̣т̣ама̄л̣апа̄са̄дахаммийана̄ва̄саттхакхеттадхан̃н̃акаран̣аа̄ра̄мавиха̄раруккхамӯлааджджхока̄саппабхеда̄нам̣ паннараса̄нам̣ никкхепат̣т̣ха̄на̄нам̣ йаттхакаттхачи никкхипитва̄ тесам̣ га̄ма̄дӣнам̣ бахи хаттхапа̄са̄тиккамена арун̣ам̣ ут̣т̣ха̄пеййа̄ти айаметтха сан̇кхепо, виттха̄ро пана самантапа̄са̄дика̄йам̣ (па̄ра̄. ат̣т̣ха. 2.473-477-8) вутто. ан̃н̃атра бхиккхусаммутийа̄ти йам̣ сан̇гхо гила̄насса бхиккхуно тичӣварена авиппава̄сасаммутим̣ дети, там̣ т̣хапетва̄ аладдхасаммутикасса бхиккхуно екараттампи виппава̄сато вуттанайенева ниссаггийам̣ па̄читтийанти ведитаббам̣, кевалам̣ идха ‘‘идам̣ ме, бханте, чӣварам̣ раттивиппавуттхам̣ ан̃н̃атра бхиккхусаммутийа̄ ниссаггийа’’нтиа̄дина̄ найена вачанабхедо хоти, айам̣ пана висесо.

са̄ваттхийам̣ самбахуле бхиккхӯ а̄раббха сантаруттарена джанападача̄рикам̣ паккаманаваттхусмим̣

пан̃н̃аттам̣, ‘‘ан̃н̃атра бхиккхусаммутийа̄’’ти айаметтха анупан̃н̃атти, са̄дха̄ран̣апан̃н̃атти, ана̄н̣аттикам̣, авиппавуттхе виппавуттхасан̃н̃ино чева вематикасса ча дуккат̣ам̣. виппавуттхе виппавуттхасан̃н̃инопи авиппавуттхасан̃н̃инопи вематикасса̄пи ниссаггийам̣ па̄читтийам̣, татха̄ апаччуддхат̣аависсаджджита̄дӣсу ча паччуддхат̣ависсаджджита̄дисан̃н̃ино. антоарун̣е паччуддхат̣е пана пат̣хамакатхине вуттависсаджджита̄дибхеде ча ана̄патти, татха̄ ладдхасаммутикасса виппава̄се. а̄ба̄дхе пана вӯпасанте пачча̄гантаббам̣, таттхева ва̄ т̣хитена паччуддхаритаббам̣, атха̄писса пуна со ва̄ ан̃н̃о ва̄ а̄ба̄дхо куппати, ладдхакаппийамева. адхит̣т̣хитачӣварата̄, анаттхатакатхината̄, аладдхасаммутиката̄, раттивиппава̄соти има̄неттха чатта̄ри ан̇га̄ни. самут̣т̣ха̄на̄дӣни пат̣хамакатхине вуттаппака̄ра̄нева. кевалан̃хи таттха анадхит̣т̣ха̄нам̣ авикаппанан̃ча акирийа̄, идха аппаччуддхаран̣ам̣, айам̣ висесоти.

удоситасиккха̄падаван̣н̣ана̄ нит̣т̣хита̄.