11. бхеда̄нуваттакасиккха̄падаван̣н̣ана̄

ека̄дасаме тассева кхо пана̄ти йо сан̇гхабхеда̄йа параккамати, тассева. ануваттака̄ти тасса дит̣т̣хим̣ кхантим̣ ручим̣ гахан̣ена анупат̣ипаджджанака̄. ваггам̣ аса̄маггипаккхийавачанам̣ вадантӣти ваггава̄дака̄. йасма̄ пана тин̣н̣ам̣ уддхам̣ камма̄раха̄ на хонти. на хи сан̇гхо сан̇гхасса каммам̣ кароти, тасма̄ ‘‘еко ва̄ две ва̄ тайо ва̄’’ти вуттам̣. джа̄на̄ти ноти амха̄кам̣ чханда̄дӣни джа̄на̄ти. бха̄сатӣти ‘‘евам̣ карома̄’’ти амхехи саддхим̣ бха̄сати. амха̄кампетам̣ кхаматӣти йам̣ со кароти, етам̣ амха̄кампи руччати. самета̄йасманта̄нам̣ сан̇гхена̄ти а̄йасманта̄нам̣ читтам̣ сан̇гхена саддхим̣ самету сама̄гаччхату, екӣбха̄вам̣ гаччхатӯти вуттам̣ хоти. сесам̣ падаттхато утта̄намева. виниччхайакатха̄петтха дасаме вуттасадиса̄йева.

айам̣ пана висесо – идам̣ ра̄джагахе самбахуле бхиккхӯ а̄раббха девадаттасса сан̇гхабхеда̄йа параккамантасса ануваттанаваттхусмим̣ пан̃н̃аттам̣, ан̇гесу ча йатха̄ таттха параккаманам̣, евам̣ идха ануваттанам̣ дат̣т̣хаббанти.

бхеда̄нуваттакасиккха̄падаван̣н̣ана̄ нит̣т̣хита̄.