3. сан̇гха̄н̣исиккха̄падаван̣н̣ана̄

татийе сан̇гха̄н̣инти йам̣кин̃чи кат̣ӯпагам̣. дха̄реййа̄ти кат̣ийам̣ пат̣имун̃чеййа. еттха̄пи омун̃читва̄ омун̃читва̄ дха̄рентийа̄ пайогаган̣ана̄йа па̄читтийам̣.

са̄ваттхийам̣ ан̃н̃атарам̣ бхиккхуним̣ а̄раббха сан̇гха̄н̣им̣ дха̄ран̣аваттхусмим̣ пан̃н̃аттам̣. а̄ба̄дхапаччайа̄ кат̣исуттам̣ дха̄рентийа̄, умматтика̄дӣнан̃ча ана̄патти. сесам̣ вуттанайенева ведитаббам̣, идам̣ пана акусалачиттанти.

сан̇гха̄н̣исиккха̄падаван̣н̣ана̄ нит̣т̣хита̄.