9. сока̄ва̄сасиккха̄падаван̣н̣ана̄

наваме сока̄ва̄санти сан̇кетам̣ катва̄ а̄гаччхама̄на̄ пуриса̄нам̣ антосокам̣ павесетӣти сока̄ва̄са̄, там̣ сока̄ва̄сам̣. атха ва̄ гхарам̣ вийа гхараса̄мика̄ айампи пурисасама̄гамам̣ алабхама̄на̄ сокам̣ а̄висати, ити йам̣ а̄висати, сва̄сса̄ а̄ва̄со хотӣти сока̄ва̄са̄. теневасса падабха̄джане (па̄чи. 1160) ‘‘сока̄ва̄са̄ на̄ма паресам̣ дуккхам̣ уппа̄дети, сокам̣ а̄висатӣ’’ти двидха̄ аттхо вутто. па̄читтийанти еварӯпам̣ вут̣т̣ха̄пентийа̄ вуттанайенева каммава̄ча̄парийоса̄не упаджджха̄йа̄йа па̄читтийам̣.

са̄ваттхийам̣ тхулланандам̣ а̄раббха еварӯпам̣ сиккхама̄нам̣ вут̣т̣ха̄панаваттхусмим̣ пан̃н̃аттам̣. аджа̄нантийа̄, умматтика̄дӣнан̃ча ана̄патти. сока̄ва̄сата̄, джа̄нанам̣, вут̣т̣ха̄пананти има̄неттха тӣн̣и ан̇га̄ни. самут̣т̣ха̄на̄дӣни габбхинивут̣т̣ха̄панасадиса̄нева̄ти.

сока̄ва̄сасиккха̄падаван̣н̣ана̄ нит̣т̣хита̄.