9. на̄нубандханасиккха̄падаван̣н̣ана̄

наваме вут̣т̣ха̄питам̣ паваттининти вут̣т̣ха̄питам̣ паваттиним̣ йа̄йа упасампа̄дита̄, там̣ упаджджха̄йининти аттхо. на̄нубандхеййа̄ти чун̣н̣ена маттика̄йа дантакат̣т̣хена мукходакена̄ти евам̣ тена тена каран̣ӣйена на упат̣т̣хахеййа. па̄читтийанти на̄нубандхиссанти дхуре никкхиттаматте па̄читтийам̣.

са̄ваттхийам̣ самбахула̄ бхиккхунийо а̄раббха на̄нубандханаваттхусмим̣ пан̃н̃аттам̣. ба̄лам̣ пана аладжджиним̣ ва̄ ананубандхантийа̄, гила̄на̄йа, а̄пада̄су, умматтика̄дӣнан̃ча ана̄патти. вут̣т̣ха̄питаппаваттинита̄, две васса̄ни ананубандхане дхураниккхепо, анун̃н̃а̄така̄ран̣а̄бха̄воти има̄неттха тӣн̣и ан̇га̄ни. самут̣т̣ха̄на̄дӣни пат̣хамапа̄ра̄джикасадиса̄ни, идам̣ пана акирийам̣, дуккхаведананти.

на̄нубандханасиккха̄падаван̣н̣ана̄ нит̣т̣хита̄.