1. екаман̃чатуват̣т̣анасиккха̄падаван̣н̣ана̄

туват̣т̣аваггасса пат̣хаме туват̣т̣еййунти нипаджджеййум̣. та̄су пана ека̄йа ва̄ нипанна̄йа апара̄ нипаджджату, двепи ва̄ сахева нипаджджанту, двиннампи па̄читтийам̣.

са̄ваттхийам̣ самбахула̄ бхиккхунийо а̄раббха двиннам̣ екаман̃че туват̣т̣анаваттхусмим̣ пан̃н̃аттам̣, саче пана ека̄йа нипанна̄йа ека̄ нисӣдати, убхо ва̄ нисӣданти, та̄сам̣, умматтика̄дӣнан̃ча ана̄патти. екаман̃чата̄, двиннам̣ туват̣т̣ананти има̄неттха две ан̇га̄ни. самут̣т̣ха̄на̄дӣни ел̣акаломасадиса̄нӣти.

екаман̃чатуват̣т̣анасиккха̄падаван̣н̣ана̄ нит̣т̣хита̄.