2. екаттхаран̣атуват̣т̣анасиккха̄падаван̣н̣ана̄

дутийе екам̣ аттхаран̣ан̃чева па̄вуран̣ан̃ча ета̄санти екаттхаран̣апа̄вуран̣а̄, сам̣ха̄рима̄нам̣ па̄ва̄раттхаран̣акат̣аса̄рака̄дӣнам̣ екам̣ антам̣ аттхаритва̄ екам̣ па̄рупитва̄ туват̣т̣ентӣнаметам̣ адхивачанам̣. па̄читтийанти там̣йева аттхаритва̄ там̣ па̄рупитва̄ нипаджджантӣнам̣ па̄читтийам̣.

са̄ваттхийам̣ самбахула̄ бхиккхунийо а̄раббха евам̣ туват̣т̣анаваттхусмим̣ пан̃н̃аттам̣, тикапа̄читтийам̣, аттхаран̣е ва̄ па̄вуран̣е ва̄ екасмим̣ дуккат̣ам̣, на̄наттхаран̣апа̄вуран̣е двикадуккат̣ам̣. тасмим̣ пана на̄наттхаран̣апа̄вуран̣асан̃н̃а̄йа, ваваттха̄нам̣ дассетва̄ нипаджджантийа̄, умматтика̄дӣнан̃ча ана̄патти. сесам̣ пат̣хамасадисамева̄ти.

екаттхаран̣атуват̣т̣анасиккха̄падаван̣н̣ана̄ нит̣т̣хита̄.