7. пат̣иба̄ханасиккха̄падаван̣н̣ана̄

саттаме дхаммикам̣ чӣваравибхан̇ганти самаггена сан̇гхена саннипатитва̄ карӣйама̄нам̣ чӣваравибхан̇га. пат̣иба̄хеййа̄ти пат̣иседхеййа, евам̣ пат̣иседхентийа̄ па̄читтийам̣.

са̄ваттхийам̣ тхулланандам̣ а̄раббха дхаммикам̣ чӣваравибхан̇гам̣ пат̣иба̄ханаваттхусмим̣ пан̃н̃аттам̣, дхаммике вематика̄йа, адхаммике дхаммикасан̃н̃а̄йа чева вематика̄йа ча дуккат̣ам̣. убхайаттха адхаммикасан̃н̃а̄йа, а̄нисам̣сам̣ дассетва̄ пат̣иба̄хантийа̄, умматтика̄дӣнан̃ча ана̄патти. чӣваравибхан̇гасса дхаммиката̄, дхаммикасан̃н̃ита̄, вина̄ а̄нисам̣сена пат̣иба̄хананти има̄неттха тӣн̣и ан̇га̄ни. самут̣т̣ха̄на̄дӣни адинна̄да̄насадиса̄нева̄ти.

пат̣иба̄ханасиккха̄падаван̣н̣ана̄ нит̣т̣хита̄.