8. чӣварада̄насиккха̄падаван̣н̣ана̄

ат̣т̣хаме саман̣ачӣваранти каппакатам̣ нива̄санапа̄рупанупагам̣, еварӯпам̣ т̣хапетва̄ пан̃ча сахадхаммике ма̄та̄питаро ча йасса кассачи гахат̣т̣хасса ва̄ паббаджитасса ва̄ париччаджитва̄ дентийа̄ па̄читтийам̣.

са̄ваттхийам̣ тхулланандам̣ а̄раббха ага̄рикасса саман̣ачӣварада̄наваттхусмим̣ пан̃н̃аттам̣, бхиккхуно дуккат̣ам̣. ма̄та̄питӯнам̣ париччаджитва̄пи, ан̃н̃есам̣ та̄вака̄ликамева дентийа̄, умматтика̄дӣнан̃ча ана̄патти. саман̣ачӣварата̄, т̣хапетва̄ сахадхаммике ча ма̄та̄питаро ча ан̃н̃есам̣ да̄нам̣, ата̄вака̄ликата̄ти има̄неттха тӣн̣и ан̇га̄ни. самут̣т̣ха̄на̄дӣни сан̃чариттасадиса̄нӣти.

чӣварада̄насиккха̄падаван̣н̣ана̄ нит̣т̣хита̄.