9. параабхисапанасиккха̄падаван̣н̣ана̄

наваме абхисапеййа̄ти сапатхам̣ кареййа. таттха ‘‘нирайе упападжджа̄ми, нирайе упападжджатӯ’’тиевама̄дӣни вадама̄на̄ нирайена абхисапати на̄ма, аккосатӣти аттхо. ‘‘гихинӣ хоми, гихинӣ хотӯ’’тиевама̄дӣни вадама̄на̄ брахмачарийена. тасса̄ ва̄ча̄йа ва̄ча̄йа па̄читтийам̣.

са̄ваттхийам̣ чан̣д̣ака̄л̣им̣ а̄раббха евам̣ абхисапанаваттхусмим̣ пан̃н̃аттам̣, тикапа̄читтийам̣, анупасампанна̄йа тикадуккат̣ам̣, тираччха̄найонийа̄ ва̄ петтивисайена ва̄ мануссадобхаггена ва̄ абхисапане дуккат̣ам̣. аттхадхамма̄нуса̄санипуреккха̄ра̄нам̣ умматтика̄дӣнан̃ча ана̄патти. нирайена ва̄ брахмачарийена ва̄ абхисапанам̣, упасампанната̄, аттхадхаммапуреккха̄ра̄дӣнам̣ абха̄воти има̄неттха тӣн̣и ан̇га̄ни. самут̣т̣ха̄на̄дӣни ат̣т̣хамасадиса̄нева̄ти.

параабхисапанасиккха̄падаван̣н̣ана̄ нит̣т̣хита̄.