10. роданасиккха̄падаван̣н̣ана̄

дасаме вадхитва̄ти хаттха̄дӣхи пахаритва̄, убхайам̣ каронтийа̄ва па̄читтийам̣.

са̄ваттхийам̣ чан̣д̣ака̄л̣им̣ а̄раббха атта̄нам̣ вадхитва̄ роданаваттхусмим̣ пан̃н̃аттам̣, кевалам̣ вадхантийа̄ ва̄ родантийа̄ ва̄ дуккат̣амева. н̃а̄тирогабхогабйасанехи пхут̣т̣ха̄йа кевалам̣ родантийа̄ ева на вадхантийа̄, умматтика̄дӣнан̃ча ана̄патти. атта̄нам̣ вадханан̃чева, роданан̃ча̄ти има̄неттха две ан̇га̄ни. самут̣т̣ха̄на̄дӣни саманубха̄санасадиса̄ни, идам̣ пана кирийамева̄ти.

роданасиккха̄падаван̣н̣ана̄ нит̣т̣хита̄.

раттандхака̄равагго дутийо.