8. парауджджха̄панакасиккха̄падаван̣н̣ана̄

ат̣т̣хаме дуггахитена дӯпадха̄ритена̄ти йам̣ вуттам̣, тато ан̃н̃атха̄ гахитена ча упадха̄ритена ча. паранти ‘‘ахам̣ кираййе аййам̣ на саккаччам̣ упат̣т̣хаха̄мӣ’’тиа̄дина̄ (па̄чи. 869) найена упасампаннам̣ уджджха̄пентийа̄ па̄читтийам̣.

са̄ваттхийам̣ ан̃н̃атарам̣ бхиккхуним̣ а̄раббха евам̣ парам̣ уджджха̄панаваттхусмим̣ пан̃н̃аттам̣, тикапа̄читтийам̣, анупасампанна̄йа тикадуккат̣ам̣, умматтика̄дӣнам̣йева ана̄патти. дуггахитата̄, уджджха̄панам̣, йам̣ уджджха̄пети, тасса̄ упасампанната̄ти има̄неттха тӣн̣и ан̇га̄ни. самут̣т̣ха̄на̄дӣни адинна̄да̄насадиса̄ни, идам̣ пана дуккхаведананти.

парауджджха̄панакасиккха̄падаван̣н̣ана̄ нит̣т̣хита̄.