(9.) наваканиддесаван̣н̣ана̄

960. дасамасса авуттатта̄ ‘‘саттесу уппаттивасенева катхита̄нӣ’’ти вуттам̣.

963. сукхавиниччхайанти севитабба̄севитаббасукхасаннит̣т̣ха̄нанти аттхо. аджджхаттам̣ сукханти севитаббам̣ неккхаммасукхам̣. виниччхайа̄ти две виниччхайа̄ти идам̣ –

‘‘са̄там̣ аса̄танти йама̄ху локе,

тамӯпанисса̄йа пахоти чхандо;

рӯпесу дисва̄ вибхавам̣ бхаван̃ча,

виниччхайам̣ куббати джанту локе’’ти. (су. ни. 873; маха̄ни. 102) –

етасса ниддесе вуттам̣.

идха виниччхайоти вуттоти имисса̄ вибхан̇гапа̄л̣ийа̄ йо чхандара̄гасса паччайасабха̄вена виниччхайа-саддена вутто, саккапан̃хепи (дӣ. ни. 2.357) чхандасса нида̄набха̄вена витакка-саддена со ева а̄гатоти евам̣ витаккасса виниччхайабха̄вам̣ тассева идха гахитатан̃ча дассети. балавасаннит̣т̣ха̄нанти балаватийа̄ тан̣ха̄йа а̄рамман̣асса нит̣т̣хапетва̄ гахан̣ам̣.

964. сатипи ан̃н̃есан̃ча сан̇кхатабха̄ве аханти асмӣти ча са̄тисайа̄ ма̄насса сан̇кхатата̄ти катва̄ ‘‘сан̇кхата’’нти ма̄но вутто. сеййа̄дивасена ‘‘ахамасмӣ’’ти аттано сан̇кхаран̣ам̣ ва̄ сан̇кхатам̣. еттха ‘‘бхависсантӣ’’тиа̄дика̄ паватти тан̣ха̄дит̣т̣хӣнам̣ висесаватӣти та̄сампи ин̃джита̄дибха̄во вутто.

наваканиддесаван̣н̣ана̄ нит̣т̣хита̄.