(7.) саттаканиддесаван̣н̣ана̄

806. тадева н̃а̄н̣анти чхаббидхампи паччавеккхан̣ан̃а̄н̣ам̣ випассана̄рамман̣абха̄вена саха гахетва̄ вуттанти адхиппа̄йо. дхаммат̣т̣хитин̃а̄н̣ена̄ти чхапи н̃а̄н̣а̄ни сан̇кхипитва̄ вуттена н̃а̄н̣ена. кхайадхаммантиа̄дина̄ хи пака̄рена паваттан̃а̄н̣асса дассанам̣, н̃а̄н̣авипассана̄дассанато випассана̄пат̣ивипассана̄дассанаматтамева̄ти на там̣ ан̇ганти адхиппа̄йо. па̄л̣ийам̣ пана саббаттха н̃а̄н̣авачанена ан̇га̄нам̣ вуттатта̄ ниродхадхамманти н̃а̄н̣анти ити-саддена пака̄сетва̄ вуттам̣ випассана̄н̃а̄н̣ам̣ саттамам̣ н̃а̄н̣анти айаматтхо диссати. на хи йампи там̣ дхаммат̣т̣хитин̃а̄н̣ам̣, тампи н̃а̄н̣анти самбандхо хоти там̣н̃а̄н̣аггахан̣е етасмим̣ н̃а̄н̣абха̄вадассанасса анадхиппетатта̄, ‘‘кхайадхаммам̣…пе… ниродхадхамма’’нти етесам̣ самбандха̄бха̄ваппасан̇гато ча̄ти.

саттаканиддесаван̣н̣ана̄ нит̣т̣хита̄.