2. паччайапаччанӣйаван̣н̣ана̄

42-44. тевӣсатимӯлаканти идан̃четтха думӯлакам̣йева сандха̄йа вуттанти идам̣ дукамӯлаке пуччха̄нам̣ мӯлабхӯта̄ тевӣсати дука̄ самбхавантӣти тасса ‘‘тевӣсатимӯлака’’нти на̄мам̣ катва̄ йа̄ва йаттако пабхедо аттхи, та̄ва таттакам̣ тевӣсатимӯлакам̣ йатха̄нуломе виттха̄ритам̣. евам̣ паччанӣйепи виттха̄ретаббанти дукамӯлакена тикамӯлака̄дӣсу найам̣ дассетӣти имина̄ адхиппа̄йена вуттам̣ сийа̄. йади пана йа̄ва тевӣсатимам̣ мӯлам̣ йатха̄ виттха̄ританти айаматтхо адхиппето, ‘‘йа̄ва тевӣсатимам̣ мӯла’’нтвева па̄т̣хена бхавитаббам̣ сийа̄. на хи ‘‘тевӣсатимӯлака’’нти етасса бйан̃джанасса тевӣсатимам̣ мӯлаканти айаматтхо самбхавати. йатха̄ ануломе ‘‘екекападасса̄’’тиа̄дина̄ пана екамӯла̄дисаббамӯлакапарийоса̄нам̣ таттха найадассанавасена дасситам̣ екекасса падасса виттха̄рам̣ дассетӣти саббамӯлакамева четтха ‘‘тевӣсатимӯлака’’нти вуттанти ведитаббам̣. тан̃хи тевӣсатийа̄ паччайа̄нам̣ авасесасса паччайасса мӯлабха̄вато ‘‘тевӣсатимӯлака’’нти ча тато парам̣ мӯласса ан̃н̃асса абха̄вато ‘‘саббамӯлака’’нти ча вуччати.

паччайапаччанӣйаван̣н̣ана̄ нит̣т̣хита̄.