10. пуреджа̄тапаччайаниддесаван̣н̣ана̄

10. найадассанавасена йа̄ни вина̄ а̄рамман̣апуреджа̄тена на ваттанти, тесам̣ чаккхувин̃н̃а̄н̣а̄дӣнам̣ а̄рамман̣апуреджа̄тадассанена манодва̄репи йам̣ йада̄рамман̣апуреджа̄тена ваттати, тасса тада̄ламбитам̣ саббампи рӯпарӯпам̣ а̄рамман̣апуреджа̄танти дасситамева хоти, сарӯпена пана адасситатта̄ ‘‘са̄васесавасена десана̄ ката̄’’ти а̄ха. читтавасена ка̄йам̣ парин̣а̄майато иддхивидха̄бхин̃н̃а̄йа ча ат̣т̣ха̄расасу йам̣кин̃чи а̄рамман̣апуреджа̄там̣ хотӣти дат̣т̣хаббам̣.

тада̄рамман̣абха̄виноти еттха пат̣исандхибха̄вино ваттхупуреджа̄та̄бха̄вена итарассапи абха̄ва̄ аггахан̣ам̣. бхаван̇габха̄вино пана гахан̣ам̣ ка̄таббам̣ на ва̄ ка̄таббам̣ пат̣исандхийа̄ вийа апарибйаттасса а̄рамман̣асса а̄рамман̣аматтабха̄вато, ‘‘манодха̄тӯнан̃ча̄’’ти еттха сантӣран̣абха̄вино мановин̃н̃а̄н̣адха̄туйа̄пи.

пуреджа̄тапаччайаниддесаван̣н̣ана̄ нит̣т̣хита̄.