10. джӣвитиндрийакатха̄ван̣н̣ана̄

540. арӯпаджӣвитиндрийантипан̃хе ‘‘аттхи арӯпӣнам̣ дхамма̄нам̣ а̄йӯ’’тиа̄дикам̣ пан̃хам̣ антам̣ гахетва̄ вадати. арӯпадхамма̄нам̣ читтавиппайуттам̣ джӣвитиндрийасанта̄нам̣ на̄ма аттхӣти иччхатӣти еттха рӯпа̄рӯпадхамма̄нам̣ там̣ иччханто арӯпадхамма̄нам̣ иччхатӣти ваттум̣ йуттоти ‘‘арӯпадхамма̄на’’нти вуттанти дат̣т̣хаббам̣.

541. саттасанта̄не рӯпино ва̄ дхамма̄ хонтӯтиа̄дина̄пи тамева джӣвитиндрийасанта̄нам̣ вадатӣти ведитаббам̣.

542. пубба̄парабха̄гам̣ сандха̄йа̄ти сама̄паттийа̄ а̄саннабха̄вато тада̄пи сама̄паннойева̄ти адхиппа̄йо.

544-545. две джӣвитиндрийа̄нӣти ‘‘пуччха̄ сакава̄дисса, пат̣ин̃н̃а̄ итарасса̄’’ти пуримапа̄т̣хо. ‘‘пуччха̄ парава̄дисса, пат̣ин̃н̃а̄ сакава̄дисса̄’’ти паччхимапа̄т̣хо, со йутто.

джӣвитиндрийакатха̄ван̣н̣ана̄ нит̣т̣хита̄.