7. патхавӣкаммавипа̄котикатха̄ван̣н̣ана̄

492. пхассо сукхаведанӣйа̄дибхедо хотӣти пхассена саббампи каммавипа̄кам̣ дассетва̄ пуна аттаваджджехи сампайогадассанаттхам̣ ‘‘со ча сан̃н̃а̄дайо ча̄’’тиа̄ди вуттам̣. аттхи ча несанти са̄ваджджане чаккхувин̃н̃а̄н̣а̄дисахаджа̄тадхамме сандха̄йа вуттам̣. йо таттха ит̣т̣хавипа̄ко, тасса паттхана̄ти ит̣т̣хавипа̄ке ева паттханам̣ катва̄ каммам̣ каронтӣти каммӯпаниссайабхӯтамева паттханам̣ дассети, паччуппаннаведана̄паччайам̣ ва̄ тан̣хам̣ упа̄да̄на̄диниббаттанавасена дуккхасса пабха̄витам̣. мӯлатан̣ха̄ти паччуппаннавипа̄кават̣т̣аниббаттакакаммасса упаниссайабхӯтам̣ пуриматан̣хам̣, каммасаха̄йам̣ ва̄ випа̄касса упаниссайабхӯтам̣.

493. сакасамайавасена ча чодана̄йа пайуджджама̄натам̣ дассетум̣ ‘‘тесан̃ча ладдхийа̄’’тиа̄дима̄ха.

494. пат̣ила̄бхавасена̄ти камме сати патхавийа̄дӣнам̣ пат̣ила̄бхо хотӣти каммам̣ там̣сам̣ваттаникам̣ на̄ма хотӣти дассети.

патхавӣкаммавипа̄котикатха̄ван̣н̣ана̄ нит̣т̣хита̄.