5. парибхогамайапун̃н̃акатха̄ван̣н̣ана̄

483. парибхогамайам̣ на̄ма читтавиппайуттам̣ пун̃н̃ам̣ аттхӣти ладдхи. тан̃хи те сандха̄йа парибхогамайам̣ пун̃н̃ам̣ павад̣д̣хатӣти вадантӣти адхиппа̄йо.

485. тасса̄пи васена̄ти тасса̄пи ладдхийа̄ васена. пан̃чавин̃н̃а̄н̣а̄нам̣ вийа етесампи самодха̄нам̣ сийа̄ти пат̣иджа̄на̄тӣти ваданти. пан̃чавин̃н̃а̄н̣апхасса̄дӣнамева пана самодха̄нам̣ сандха̄йа пат̣иджа̄на̄тӣти адхиппа̄йо.

486. апарибхуттепӣти имина̄ ‘‘пат̣игга̄хако пат̣иггахетва̄ на парибхун̃джати чхад̣д̣етӣ’’тиа̄дикам̣ дассети. апарибхутте деййадхамме пун̃н̃абха̄вато парибхогамайам̣ пун̃н̃ам̣ павад̣д̣хатӣти айам̣ ва̄до хӣйати. тасмин̃ча хӣне сакава̄дӣва̄до балава̄. ча̄гачетана̄йа ева хи пун̃н̃абха̄во евам̣ сиддхо хотӣти адхиппа̄йо. апарибхуттепи деййадхамме пун̃н̃абха̄ве ча̄гачетана̄йа ева пун̃н̃абха̄воти а̄ха ‘‘сакава̄дӣва̄дова балава̄’’ти.

парибхогамайапун̃н̃акатха̄ван̣н̣ана̄ нит̣т̣хита̄.