1. ва̄дайуттиван̣н̣ана̄

282. саббасмим̣ сарӣре саббанти сираси па̄да̄ паччхато чаккхӯнӣти евам̣ саббам̣ саббаттха аттхӣти аттхо. саббасмим̣ ка̄лети ба̄лака̄ле йувата̄, вуд̣д̣хака̄ле ба̄лата̄, евам̣ саббасмим̣ ка̄ле саббам̣. саббена̄ка̄рена̄ти нӣла̄ка̄рена пӣтам̣, пӣта̄ка̄рена лохитанти евам̣. саббесу дхаммесӯти чаккхусмим̣ сотам̣, сотасмим̣ гха̄нанти евам̣. айуттанти йогарахитам̣ вадати, там̣ пана екасабха̄вам̣. катхам̣ пана екасабха̄васса йогарахитата̄ти там̣ дассенто ‘‘на̄на̄сабха̄ва̄нан̃хӣ’’тиа̄дима̄ха. двиннан̃хи на̄на̄сабха̄ва̄нам̣ ан̇гулӣнам̣ мен̣д̣ака̄нам̣ ва̄ ан̃н̃аман̃н̃айого хоти, на екассева сато, тасма̄ йо на̄на̄сабха̄весу хоти його, тена рахитам̣ екасабха̄вам̣ айоганти вуттам̣. идам̣ пуччхатӣти парава̄дӣдит̣т̣хийа̄ миччха̄дит̣т̣хибха̄вам̣ гахетва̄ уппанна̄йа аттано дит̣т̣хийа̄ самма̄дит̣т̣хибха̄во аттхӣти вуттам̣ хоти.

ва̄дайуттиван̣н̣ана̄ нит̣т̣хита̄.