1. суддхабрахмачарийакатха̄ван̣н̣ана̄

269. ‘‘параниммитавасаваттидеве упа̄да̄йа тадупарӣ’’ти вуттам̣, ‘‘тӣхи, бхиккхаве, т̣ха̄нехӣ’’ти (а. ни. 9.21) пана суттасса вачанена хет̣т̣ха̄пи маггабха̄ванампи на иччхантӣти вин̃н̃а̄йати.

270. ‘‘гихӣнан̃чева екачча̄нан̃ча дева̄нам̣ маггапат̣ила̄бхам̣ сандха̄йа пат̣иккхепо тассева̄’’ти вуттам̣, ‘‘йаттха наттхӣ’’ти пана ока̄савасена пут̣т̣хо пуггалавасена тасса пат̣иккхепо на йутто. йади ча тасса̄йам̣ адхиппа̄йо, сакава̄дина̄ сама̄на̄дхиппа̄йатта̄ на ниггахетаббо.

271. екантарикапан̃ха̄ти парава̄дӣсакава̄дӣнам̣ ан̃н̃аман̃н̃ам̣ пан̃хантарика̄ пан̃ха̄.

суддхабрахмачарийакатха̄ван̣н̣ана̄ нит̣т̣хита̄.