7. дхаммакатха̄ван̣н̣ана̄

887-888. дхаммакатха̄йам̣ рӯпат̣т̣хато ан̃н̃асса рӯпасса абха̄ва̄ти йо рӯпасса нийа̄мо вуччеййа, со рӯпат̣т̣хо на̄ма кочи рӯпато ан̃н̃о наттхӣти рӯпат̣т̣хато ан̃н̃ам̣ рӯпан̃ча на хоти, тасма̄ рӯпам̣ рӯпамева, на ведана̄дисабха̄ванти адхиппа̄йена ‘‘рӯпам̣ рӯпат̣т̣хена нийата’’нти ваттаббам̣, на ан̃н̃атха̄ рӯпат̣т̣хена нийа̄мена̄ти адхиппа̄йо. таттха рӯпато ан̃н̃асса рӯпат̣т̣хасса абха̄ве дассите рӯпат̣т̣хато ан̃н̃асса рӯпасса абха̄во дасситойева на̄ма хотӣти тамева рӯпато ан̃н̃асса рӯпат̣т̣хасса абха̄вам̣ дассенто ‘‘рӯпасабха̄во хӣ’’тиа̄дима̄ха. еса воха̄роти рӯпасса сабха̄во рӯпасабха̄во, рӯпасса аттхо рӯпат̣т̣хоти евам̣ ан̃н̃аттам̣ гахетва̄ вийа паватто рӯпасабха̄вавоха̄ро рӯпат̣т̣хавоха̄ро ва̄ ведана̄дӣхи на̄наттамева со сабха̄воти на̄наттасан̃н̃а̄панаттхам̣ хотӣти аттхо. тасма̄ти рӯпасса рӯпат̣т̣хена анан̃н̃атта̄. ‘‘рӯпам̣ рӯпамева, на ведана̄дисабха̄ва’’нти аватва̄ ‘‘рӯпам̣ рӯпат̣т̣хена нийата’’нти вадато тан̃ча вачанам̣ вуттаппака̄рена садосам̣, атха касма̄ ‘‘рӯпан̃хи рӯпат̣т̣хена нийатанти рӯпам̣ рӯпамева, на ведана̄дисабха̄ванти адхиппа̄йена ваттабба’’нти ваданто ‘‘рӯпам̣ рӯпат̣т̣хена нийата’’нти пат̣иджа̄на̄тӣти аттхо дат̣т̣хаббо. нану четам̣ аттана̄ва вуттам̣, на парена̄ти пат̣иджа̄на̄тӣти на ваттаббанти? на, атта̄нампи парам̣ вийа вачанато. ваттаббанти ва̄ сакава̄дина̄ ваттаббанти вуттам̣ хоти. йади ча тена ваттаббам̣ пат̣иджа̄на̄ти ча со етаматтханти, атха касма̄ пат̣иджа̄на̄ти сакава̄дӣти айаметтха аттхо. аттхантаравасена̄ти таттха вуттамева ка̄ран̣ам̣ нигӯхитва̄ парена чодитанти тамева ка̄ран̣ам̣ дассетва̄ чоданам̣ ниваттети. ито ан̃н̃атха̄ти рӯпа̄дисабха̄ваматтам̣ мун̃читва̄ тена парикаппитам̣ нийатам̣ наттхӣти тасса парикаппитасса ниваттанаттхам̣ пуна тенева найена чодетум̣ ‘‘миччхаттанийата’’нтиа̄дима̄ха̄ти аттхо.

дхаммакатха̄ван̣н̣ана̄ нит̣т̣хита̄.

екавӣсатимаваггаван̣н̣ана̄ нит̣т̣хита̄.