5. саттаккхаттупарамакатха̄ван̣н̣ана̄

641-645. саттаккхаттупарамата̄нийатоти саттаккхаттупарамата̄йа нийато. имам̣ вибха̄ганти имам̣ висесам̣. твам̣ панасса нийа̄мам̣ иччхасӣти авинипа̄тадхаммата̄пхалаппаттӣхи ан̃н̃асмим̣ саттаккхаттупарамабха̄ве ча нийа̄мам̣ иччхасӣти аттхо.

а̄нантарийа̄бха̄ванти йена со дхамма̄бхисамайена бхаббо на̄ма хоти, тасса а̄нантарийакаммасса абха̄ванти аттхо, пуггаласса ва̄ а̄нантарийабха̄васса абха̄ванти. ким̣ пана со антара̄дхаммам̣ абхисамиссатӣти? кечи ваданти ‘‘саттаккхаттупарамо саттамам̣ бхавам̣ на̄тиккамати, орато пана наттхи пат̣иседхо’’ти. апаре ‘‘йо бхагавата̄ н̃а̄н̣абалена бйа̄като, тасса антара̄ абхисамайо на̄ма наттхи, татха̄пи бхаванийа̄масса кассачи абха̄ва̄ бхабботи вуччати. йатха̄ кусала̄ абхин̃н̃а̄четана̄ када̄чи випа̄кам̣ ададама̄на̄пи сати ка̄ран̣е да̄тум̣ бхаббата̄йа випа̄кадхаммадхамма̄ на̄ма, татха̄ индрийа̄нам̣ мудута̄йа саттаккхаттупарамо, на нийа̄масаббха̄ва̄ на̄пи бхагавата̄ бйа̄кататта̄, на ча индрийамудута̄ абхаббата̄каро дхаммоти на со абхаббо на̄ма. абхаббата̄карадхамма̄бха̄вато четтха абхаббата̄ пат̣иседхита̄, на пана антара̄ абхисаметум̣ бхаббата̄ вутта̄. йади ча саттаккхаттупарамо антара̄ абхисамеййа, колам̣коло сийа̄’’ти. висесам̣ пана акатва̄ бхаббасабха̄вата̄йа бхабботи ваттум̣ йуттам̣. на бхаванийа̄макам̣ кин̃чӣти еттха пасситва̄ти вачанасесо, бйа̄каротӣти ва̄ самбандхо.

саттаккхаттупарамакатха̄ван̣н̣ана̄ нит̣т̣хита̄.

два̄дасамаваггаван̣н̣ана̄ нит̣т̣хита̄.