9. вачанасодханаван̣н̣ана̄

55-59. пуггало упалаббхатӣти пададвайасса аттхато екаттети еттха тадева екаттам̣ парена сампат̣иччхитам̣ асампат̣иччхитанти вича̄ретаббаметам̣. пуггаласса хи авибхаджитаббатам̣, упалаббхатӣти етасса вибхаджитаббатам̣ ваданто вибхаджитабба̄вибхаджитаббаттха̄нам̣ упалаббхатипуггала-садда̄нам̣ катхам̣ аттхато екаттам̣ сампат̣иччхеййа̄ти? йатха̄ ча вибхаджитабба̄вибхаджитаббаттха̄нам̣ упалаббхати-рӯпа-садда̄нам̣ там̣ вибха̄гам̣ вадато рӯпам̣ кин̃чи упалаббхати, кин̃чи на упалаббхатӣти айам̣ пасан̇го на̄паджджати, евам̣ етассапи йатха̄вуттавибха̄гам̣ вадато йатха̄а̄па̄дитена пасан̇гена на бхавитаббанти маггитаббо еттха адхиппа̄йо.

60. ‘‘сун̃н̃ато локам̣ авеккхассӯ’’ти (су. ни. 1125) етена аттхато пуггало наттхӣти вуттам̣ хотӣти а̄ха ‘‘наттхӣтипи вутта’’нти.

вачанасодханаван̣н̣ана̄ нит̣т̣хита̄.