5. пан̃чаканиддесаван̣н̣ана̄

191. пат̣хамапан̃чаке уддесенева пуггалавибха̄го вин̃н̃а̄йатӣти йатха̄ тесу пат̣ипаджджитаббам̣, та̄йа пат̣ипаттийа̄ те вибхаджанто ‘‘татра йва̄йа’’нтиа̄дима̄ха. а̄рамбхасаддоти а̄рамбхакирийа̄ва̄чако саддоти аттхо. пхалуппаттийа̄ маггакиччам̣ нит̣т̣хитам̣ хотӣти ‘‘маггакиччавасена пхаламева вутта’’нти а̄ха. а̄йа̄чанаса̄дхӯти на пасам̣сана̄диса̄дхӯти аттхо.

192. а̄дито дхеййам̣ т̣хапетаббам̣ а̄дхеййам̣, дассанасаванапат̣ивачанада̄навасена мукхена вийа паваттам̣ гахан̣ам̣ мукханти дат̣т̣хаббам̣. там̣ мукхам̣ а̄дхеййам̣, гахан̣аттхам̣ пакатимукхамева ва̄ а̄дхеййам̣ йасса со а̄дхеййамукхо, авича̄ретва̄ а̄дикатха̄йа ева т̣хапитагахан̣оти вуттам̣ хоти.

194. раджаггасминти раджаггабха̄ве.

199. гава̄ кхӣрам̣ аггамаккха̄йатӣти на евам̣ самбандхо, уппаттито пана пан̃ча горасе дассетва̄ тесу саппиман̣д̣асса аггабха̄вадассанаттхам̣ ‘‘гава̄ кхӣра’’нтиа̄ди вуттам̣. тена̄ха ‘‘га̄вито кхӣрам̣ на̄ма хотӣ’’тиа̄ди.

пан̃чаканиддесаван̣н̣ана̄ нит̣т̣хита̄.