4. чатуттханайо сан̇гахитенасан̇гахитападаван̣н̣ана̄

191. сан̇гахитенасан̇гахитападаниддесе йасма̄ йатха̄ дутийататийанайа̄ тин̣н̣ам̣ сан̇гаха̄нам̣ сан̇гахан̣а̄сан̇гахан̣аппаваттивисесена ‘‘сан̇гахитена асан̇гахитам̣, асан̇гахитена сан̇гахита’’нти ча уддит̣т̣ха̄, невам̣ чатуттхапан̃чама̄. сан̇гахан̣аппаваттийа̄ ева хи сан̇гахитена сан̇гахитам̣ уддит̣т̣хам̣, асан̇гахан̣аппаваттийа̄ ева ча асан̇гахитена асан̇гахитанти, тасма̄ сан̇гахан̣аппаваттивисесавирахе сан̇гахитадхамма̄сан̇гахитадхаммависесе ниссита̄ ете две найа̄ти еттха кеначи сан̇гахитена дхаммависесена пуна сан̇гахито дхаммависесо сан̇гахитена сан̇гахито сан̇гахитата̄йа пуччхитаббо виссаджджитаббо ча, тамева та̄ва йатха̄ниддха̄ритам̣ дассенто ‘‘самудайасаччена йе дхамма̄ кхандха…пе… сан̇гахита̄, техи дхаммехи йе дхамма̄ кхандха…пе… сан̇гахита̄’’ти а̄ха. еттха ча йе тӣхипи сан̇гахехи на сан̇га̄хака̄ рӯпаккхандхавин̃н̃а̄н̣аккхандхадхамма̄йатанадуккхасачча̄дӣни вийа, йе ча двӣха̄йатанадха̄тусан̇гахехи асан̇га̄хака̄ чаккха̄йатана̄дӣни вийа, йе ча екена кхандхасан̇гахенева дха̄тусан̇гахенева ча на сан̇га̄хака̄ ведана̄диккхандханиродхасаччаджӣвитиндрийа̄дӣни вийа чаккхувин̃н̃а̄н̣адха̄та̄дайо вийа ча, те дхамма̄ сан̇га̄хакатта̄бха̄васаббха̄ва̄ сан̇га̄хакабха̄вена на уддхат̣а̄, тӣхипи пана сан̇гахехи йе сан̇га̄хака̄, те сан̇га̄хакатта̄бха̄ва̄бха̄вато идха уддхат̣а̄. техи сан̇гахита̄пи хи екантена аттано сан̇га̄хакасса сан̇га̄хака̄ хонти, йасса пуна сан̇гахо пуччхитаббо виссаджджитаббо ча̄ти.

ат̣т̣хакатха̄йам̣ пана сакалена хи кхандха̄дипадена̄ти сакалава̄чакена рӯпаккхандха̄дипадена̄ти аттхо. йам̣ панетам̣ вуттам̣ ‘‘йам̣ аттано сан̇га̄хакам̣ сан̇ган̣хитва̄ пуна тенева сан̇гахам̣ гаччхеййа̄’’ти, там̣ тена кхандха̄дипадена̄ти евам̣ айоджетва̄ там̣ ан̃н̃ам̣ сан̇гахитам̣ на̄ма наттхӣти евам̣ на сакка̄ ваттум̣. на хи йена йам̣ сан̇гахитам̣, тенева тасса сан̇гахо пуччхито виссаджджито, на ча тассева, атха кхо тена сан̇гахитасса̄ти. йатха̄ ведана̄ саддо ча кхандхо а̄йатанан̃ча, на евам̣ сукхумарӯпам̣, там̣ пана кхандха̄йатана̄нам̣ екадесова, тасма̄ ‘‘сукхумарӯпекадесам̣ ва̄’’ти аватва̄ ‘‘сукхумарӯпам̣ ва̄’’ти вуттам̣. саббаттха ча ан̃н̃ена асаммиссанти йоджетаббам̣. йампи четам̣ вуттам̣ ‘‘тадева йехи дхаммехи кхандха̄дивасена сан̇гахитам̣, те дхамме сандха̄йа̄’’ти, тампи татха̄ на сакка̄ ваттум̣. на хи сан̇гахитена сан̇гахитасса сан̇гахитена сан̇гахо еттха пуччхито виссаджджито ча, атха кхо сан̇гахова, тасма̄ екена кхандхена̄ти екена кхандхаган̣анена̄ти айамеветтха аттхо, на сан̇га̄хакена̄ти. на хи еко кхандхо аттано екадесасса сан̇га̄хакоти.

чатуттханайасан̇гахитенасан̇гахитападаван̣н̣ана̄ нит̣т̣хита̄.