11. ека̄дасаманайо сан̇гахитенасампайуттавиппайуттападаван̣н̣ана̄

409. ека̄дасаманайаван̣н̣ана̄йам̣ ‘‘те ча сесехи тӣхи кхандхехи екена мана̄йатанена саттахи вин̃н̃а̄н̣адха̄тӯхӣ’’ти етесам̣ пада̄нам̣ ‘‘сампайутта̄ на̄ма̄’’ти етена саха самбандхо. ‘‘кехичӣ’’ти етасса панаттхам̣ дассетум̣ ‘‘сан̇кха̄раккхандхе дхамма̄йатанадхаммадха̄тӯсу ча т̣хапетва̄ тан̣ха’’нти етена ‘‘те ча̄’’ти вутте самудайасаччена кхандха̄дисан̇гахена сан̇гахитадхамме висесетва̄ тесам̣ ева висесита̄нам̣ аттаваджджехи сесехи сан̇кха̄раккхандхе тан̣ха̄йа дхамма̄йатанадхаммадха̄тӯсу ча тан̣ха̄йа ведана̄сан̃н̃а̄ккхандхехи сампайога̄рахехи сампайуттатам̣ сандха̄йа̄ха ‘‘сесехи сампайуттатта̄ кехичи сампайутта̄ на̄ма̄’’ти.

ека̄дасаманайасан̇гахитенасампайуттавиппайуттападаван̣н̣ана̄ нит̣т̣хита̄.