2. аббхантарама̄тика̄ван̣н̣ана̄

2. ‘‘пан̃чаккхандха̄’’тиа̄дӣхи рӯпаккхандха̄дипада̄ни дассита̄ни, пат̣иччасамуппа̄давачанена ча йесу два̄дасасу ан̇гесу паччекам̣ пат̣иччасамуппа̄дасаддо ваттати, тадаттха̄ни два̄даса пада̄ни дассита̄нӣти тесам̣ татха̄дассита̄нам̣ сарӯпенева дассита̄нам̣ пхасса̄дӣнан̃ча пада̄нам̣ васена а̄ха ‘‘пан̃чавӣса̄дхикена падасатена̄’’ти. таттха каммупапаттика̄мабхава̄дӣнам̣ идха вибхатта̄нам̣ бха̄ванабхаванабха̄вена бхаве вийа сока̄дӣнам̣ джара̄маран̣асса вийа анит̣т̣хатта̄ таннида̄надуккхабха̄вена ча джара̄маран̣е антогадхата̄йа пат̣иччасамуппа̄дасса два̄дасападата̄ дат̣т̣хабба̄. еттха ча па̄л̣ийам̣ бхиндитва̄ ависсаджджита̄нампи сатипат̣т̣ха̄на̄дӣнам̣ бхиндитва̄ гахан̣ам̣ каронто тесам̣ бхиндитва̄пи виссаджджитаббатам̣ дассетӣти ведитаббам̣.

найама̄тика̄дика̄ лаккхан̣ама̄тиканта̄ ма̄тика̄ пакаран̣антара̄са̄дха̄ран̣ата̄йа дха̄тукатха̄йа ма̄тика̄ на̄ма, тасса̄ аббхантаре вутто вибхаджитабба̄нам̣ уддесо аббхантарама̄тика̄ на̄ма̄ти имаматтхам̣ пака̄сенто ‘‘айан̃хӣ’’тиа̄дима̄ха. таттха евам̣ аватва̄ти йатха̄ ‘‘сабба̄пи…пе… ма̄тика̄’’ти айам̣ дха̄тукатха̄ма̄тикато бахиддха̄ вутта̄, евам̣ аватва̄ти аттхо. дха̄тукатха̄йа аббхантарейева̄ти ча дха̄тукатха̄ма̄тика̄йа аббхантарейева̄ти аттхо дат̣т̣хаббо. тада̄вен̣икама̄тика̄аббхантаре хи т̣хапита̄ тасса̄йева аббхантаре т̣хапита̄ти вутта̄. атха ва̄ евам̣ аватва̄ти йатха̄ ‘‘сабба̄пи…пе… ма̄тика̄’’ти етена вачанена дха̄тукатха̄то бахибхӯта̄ кусала̄диаран̣анта̄ ма̄тика̄ пакаран̣антарагата̄ вутта̄, евам̣ аватва̄ти аттхо. дха̄тукатха̄йа аббхантарейева̄ти ча имасса пакаран̣асса аббхантаре ева сарӯпато дассетва̄ т̣хапитатта̄ти аттхо. саббасса абхидхаммасса ма̄тика̄йа асан̇гахитатта̄ викин̣н̣абха̄вена пакин̣н̣аката̄ ведитабба̄.